Azərbaycan Respublikasının Mərkəzi Bankı (AMB) ilə Türkiyə Mərkəzi Bankı (TMB) arasında 1995-ci ildə ikitərəfli Əməkdaşlıq Sazişinin imzalanması ilə intensiv əməkdaşlıq əlaqələri qurulmuşdur. Bu əməkdaşlıq çərçivəsində AMB-nin əməkdaşları monetar siyasət, statistika, insan resursları, daxili audit, mühasibat uçotu, beynəlxalq əlaqələr, ödəniş sistemləri, bazar əməliyyatları üzrə təcrübə mübadiləsinin aparılması məqsədilə TMB-də səfərdə olmuşlar.

Eyni zamanda, cari ildə də bu əməkdaşlığın davam etdirilməsi və post-krizis dövrünün çağırışlarına uyğun olaraq müxtəlif sahələr üzrə təcrübə mübadiləsinin və texniki yardımların göstərilməsi nəzərdə tutulmuşdur.

AMB-nin Türkiyənin Bank Tənzimlənməsi və Nəzarəti Agentliyi (TBTNA) ilə ilə faydalı əməkdaşlıq əlaqələri 07 sentyabr 2005-ci il tarixində Bank nəzarəti sahəsində Əməkdaşlıq Sazişinin imzalanması ilə yaradılmış və bu əməkdaşlıq çərçivəsində AMB-nin əməkdaşlarının nəzarətin metodologiyası üzrə Türkiyə təcrübəsinin öyrənilməsi məqsədilə Türkiyənin sözügedən təşkilatına bir sıra səfərləri təşkil edilmişdir.