Mərkəzi Bankın Sədri Elman Rüstəmov İsveçrənin İqtisadi Məsələlər üzrə Dövlət Katibi cənab Jan-Daniel Qerberin rəhbərlik etdiyi nümayəndə heyətini qəbul etmişdir. Görüşdə mövcud böhran şəraitində Azərbaycanda həyata keçirilən makroiqtisadi siyasətin əsas istiqamətləri və cari iqtisadi vəziyyət, Mərkəzi Bankın yürütdüyü pul siyasəti ətrafında fikir mübadiləsi aparılmışdır. Bununla yanaşı nümayəndə heyəti İsveçrənin bu sahədə gördüyü işlər, onların nəticələri ilə bağlı ümumi məlumat vermiş və Azərbaycanda böhran şəraitində həyata keçirilən siyasəti təqdirəlayiq hesab etdiyini və bir çox ölkələrlə müqayisədə Azərbaycanda vəziyyətin daha qənaətbəxş olduğunu qeyd etmişdir. Görüş zamanı həmçinin İsveçrənin İqtisadi Məsələlər üzrə Dövlət Katibliyi (SECO) ilə əməkdaşlığın Azərbaycan Mərkəzi Bankı üçün önəmi və bu əməkdaşlığın gələcək perspektivləri müzakirə olunmuşdur.