2018-ci ildə Azərbaycan Xalq Cümhuriyyətinin yaranmasının 100 illik yubileyi ilə əlaqədar Mərkəzi Bank tərəfindən 3 müxtəlif ölçülü qızıl yubiley pul nişanlarından ibarət dəst tədavülə buraxılmışdır.
Yubiley pul nişanlarından ibarət dəst Böyük Britaniyanın "The Royal Mint" şirkətində istehsal olunmuşdur.
Yubiley pul nişanının üz tərəfində azadlıq rəmzi olan günəş, Azərbaycan Respublikasının xəritəsi və onun üzərində Dövlət Himnimizdən bir parça, aypara ilə səkkiz guşəli ulduz, Dövlət Bayrağının dizaynı və istiqlal mübarizəmizin qələbəsi kimi zəncirlənmiş qəfəsdən azadlığa çıxan göyərçinlər, arxa tərəfində isə üzərində ulduz, alov, palıd budaqları, sünbüllər təsvir edilmiş Dövlət Gerbi, aypara ilə səkkizguşəli ulduzun qrafik təsvirləri və şəbəkə sənətində geniş yayılmış ornamentlər təsvir edilmişdir.
Yubiley pul nişanı Azərbaycan Respublikası ərazisində nominal dəyəri ilə qanuni ödəniş vasitəsidir.
Buraxılış ili | 2018 |
Buraxılış limiti | 200 ədəd |
1 unsiya | |
Nominalı | 100 manat |
Çəkisi | 1 unsiya qızıl (31.1 qr) |
Metalı | Au 999.9 |
Diametri | 38.61 mm |
Keyfiyyəti | Pruf |
3/4 unsiya | |
Nominalı | 50 manat |
Çəkisi | 3/4 unsiya qızıl (23.33 qr) |
Metalı | Au 999.9 |
Diametri | 33.00 mm |
Keyfiyyəti | Pruf |
1/2 unsiya | |
Nominalı | 20 manat |
Çəkisi | 1/2 unsiya qızıl (15.55 qr) |
Metalı | Au 999.9 |
Diametri | 30.00 mm |
Keyfiyyəti | Pruf |