“İnvestisiya fondu səhmdar və ya paylı investisiya fondu formasında yaradılan, vəsaitlərin cəlb edilib mənfəət əldə edilməsi məqsədi ilə investisiya bəyannaməsində nəzərdə tutulmuş qaydada yatırılması ilə məşğul olan maliyyə qurumudur.

Səhmdar investisiya fondu səhmdar investisiya fondu fəaliyyəti üçün lisenziyaya malik olan, fəaliyyətinin müstəsna predmeti səhmlərinin yerləşdirilməsindən əldə edilən pul vəsaitlərinin investisiya bəyannaməsi ilə nəzərdə tutulmuş qaydada qiymətli kağızlara və digər əmlaka yatırılmasından mənfəət əldə edilməsi olan açıq səhmdar cəmiyyətidir.

Paylı investisiya fondu ümumi paylı mülkiyyət hüququ əsasında investisiya fond paylarının sahiblərinə məxsus və investisiya fondunun idarəçisinin idarəetməsində olan əmlak toplusudur. Paylı investisiya fondu hüquqi şəxs statusuna malik deyil və onun aktivləri paylarının satışından daxil olan pul vəsaitlərindən, həmin vəsaitlərin investisiyası nəticəsində əldə olunan digər aktivlərdən ibarətdir. Paylı investisiya fondu açıq, qapalı və interval formada yaradıla bilər.

İnvestisiya fondunun idarəçisi müstəsna olaraq investisiya fondlarının idarə edilməsi fəaliyyəti ilə məşğul olan və bu fəaliyyət növü üzrə lisenziyaya malik hüquqi şəxsdir. İnvestisiya fondunun idarəçisi investisiya fondunu səhmdar investisiya fondu və ya pay sahibləri ilə bağlanılmış idarəetmə müqaviləsi əsasında səhmdarların və ya pay sahiblərinin maraqlarına uyğun olaraq idarə edir.

İnvestisiya fondunun idarəçisinin vəzifələri aşağıdakılardır:

• fondun aktivlərini formalaşdırmaq və idarə etmək;
• investisiya fondunun aktivlərinin ümumi dəyərinin, hərəkətinin və tərkibinin uçotunu aparmaq, habelə payların cari dəyərini hesablamaq;
• paylı investisiya fondunun aktivlərinin ayrıca mühasibat uçotunu aparmaq və qanunvericiliklə müəyyən olunmuş qaydada maliyyə bazarlarına nəzarət orqanına hesabatlar təqdim etmək;[32]
• investisiya fondunun aktivlərinin dəyərini, hərəkətini və tərkibini depozitarlarla üzləşdirmək:
• ayda azı bir dəfə səhmdar investisiya fondunu və ya paylı investisiya fondunun pay sahiblərini fondun xalis aktivlərinin tərkibi və dəyəri, habelə idarəetmə müqaviləsinə və ya fondun qaydalarına uyğun olaraq bir payın cari dəyəri haqqında müntəzəm olaraq məlumatlandırmaq.
  
  

İnvestisiya fondunun idarəçisi isə müstəsna olaraq investisiya fondlarının idarə edilməsi fəaliyyəti ilə məşğul olan və bu fəaliyyət növü üzrə lisenziyaya malik hüquqi şəxsdir;

İnvestisiya fondunun idarəçisi fəaliyyəti üzrə lisenziyaya malik şirkətlərin siyahısı:

#asset-1

"CFİ Asset Management" MMC”

Lisenziya nömrəsi	141
Lisenziya verilmə tarixi	30.06.2014
Hüquqi ünvan	AZ1010, Bakı şəhəri Nəsimi rayonu, Neftçilər prospekti, ev 64
Faktiki ünvan	AZ1022, Bakı şəhəri, Nəsimi rayonu, Cəlil Məmmədquluzadə küçəsi, ev 102A 4-cü mərtəbə
Əlaqə məlumatları	(012) 599 90 99
Direktor	Qasımova Pərvanə Əlifağa qızı

"İnvestAz Asset Management MMC”

Lisenziya nömrəsi	İFİ-01
Lisenziya verilmə tarixi	31.01.2024
Hüquqi ünvan	AZ1025, Bakı şəhəri, Xətai rayonu, Ələddin Quliyev, 1131-ci məhəllə, m. 4
Faktiki ünvan	AZ1025, Bakı şəhəri, Xətai rayonu, Ələddin Quliyev, 1131-ci məhəllə, m. 4
Əlaqə məlumatları	(051) 232 99 49
Direktor	Qurbanzadə Şəhriyar Ağazeynal oğlu

 

Ətraflı

97.69 KB