Milli Bankın Mətbuat xidməti bildirir ki, 2008-ci il iyul ayının 1-nə vaxtı keçmiş kreditlər nəzərə alınmaqla iqtisadiyyatın sahələri üzrə cəmi kredit qoyuluşları 6166,5 mln. manat təşkil etmişdir.

Kreditlərin (vaxtı keçmiş kreditlər nəzərə alınmadan) 35,2%-i və ya 2171,3 mln. manatı ev təssərrüfatlarına verilib. Ticarət və xidmət sahəsinə yönəldilən kreditlərin həcmi isə 1501,3 mln. manat (24,3%) olub. Nəqliyyat və rabitə sahəsinin payına kreditlərin 359,9 mln. manatı (5,8%), sənaye və istehsalın payına isə 365,0 mln. manatı (5,9%) düşüb.
Energetika, kimya və təbii ehtiyatlar sahəsinə kreditlərin 899,3 mln. manatı və ya 14,6%-i, kənd təsərrüfatı və emalına 242,5 mln. manatı və ya 3,9%-i, inşaat və əmlak sahəsinə 456,0 mln. manat (7,4%), digər sahələrə isə 18,9 mln. manatı və ya 0,3%-i yönəldilib.