2009-cu ildə Azərbaycanın qədim tarixə, zəngin mədəniyyətə və Azərbaycan dövlətçiliyinin inkişafında mühüm rola malik olan Naxçıvan Muxtar Respublikasının yaradılmasının 85 illik yubileyi münasibəti ilə Mərkəzi Bank tərəfindən qızıl yubiley pul nişanı tədavülə buraxılmışdır.
Yubiley pul nişanı Avstriyanın “Austrian Mint” şirkətində istehsal edilmişdir.
Yubiley pul nişanının üz tərəfində Naxçıvan Muxtar Respublikasında yerləşən tarixi abidələrin təsvirləri, arxa tərəfində isə Azərbaycan xəritəsi əks olunmuşdur.
Yubiley pul nişanı Azərbaycan Respublikası ərazisində nominal dəyəri ilə qanuni ödəniş vasitəsidir.
Buraxılış ili | 2009 |
Nominalı | 100 manat |
Metalı | Au 999.9 |
Çəkisi | 1 unsiya (31.1 qr) |
Diametri | 37 mm |
Keyfiyyəti | Pruf |
Buraxılış limiti | 500 ədəd |