Azərbaycan Respublikasının Mərkəzi Bankı 2010-cu ildən bəri universitetlər ilə sıx əməkdaşlıq yaradaraq cəmiyyətimizə töhfə vermək, istedadlı gənclərdən ibarət komanda formalaşdırmaq və onların inkişafına dəstək olmaq məqsədilə İnternatura proqramını həyata keçirir.

Proqrama, elan edilən müvafiq ixtisaslar üzrə magistraturada və bakalavr pilləsində təhsil alan tələbələr müraciət edə bilərlər. Müvafiq seçim mərhələlərini uğurla başa vuran namizədlər Mərkəzi Bankda iyul-sentyabr aylarında internatura proqramında iştirak hüququ qazanırlar.

Seçim mərhələləri:

1. Müraciətlərə ilkin baxış;
2. Test;
3. Müsahibələr.

Proqram əsnasında internalar Mərkəzi Bankın müxtəlif departamentlərində çalışmaq və öyrənmək imkanları ilə yanaşı, bir sıra professional və davranış kompetensiyaların inkişafını hədəfləyən təlimlərdən faydalana bilər.

Proqramı uğurla başa vuran internalar müvafiq sertifikatla təmin olunacaq, müvafiq vakansiyalar üçün potensial namizəd olacaq.

Necə müraciət etməli?

Mərkəzi Bankın internatura proqramına qəbulun elanı mart-aprel aylarında bankın rəsmi saytında və rəsmi sosial media səhifələrində elan olunacaq. Tələbələr Mərkəzi Bankın rəsmi internet səhifəsində İnsan resursları bölməsinə keçid edərək mövcud İnternatura proqramı ilə tanış ola və “Müraciətlərin qəbulu sistemi” vasitəsilə müraciət edə bilərlər.