2026

#asset-132

2025

#asset-131

#asset-130

#asset-129

#asset-128

#asset-127

#asset-126

#asset-125

#asset-124

#asset-115

#asset-110

#asset-107

#asset-106

2024

#asset-101

#asset-100

#asset-99

#asset-91

#asset-84

#asset-83

#asset-81

#asset-80

#asset-79

#asset-74

#asset-70

#asset-69

#asset-102

#asset-82

2023

#asset-67

#asset-63

#asset-62

#asset-61

#asset-44

#asset-43

#asset-41

#asset-40

#asset-68

#asset-42

2022

#asset-1

#asset-2

Azərbaycan Respublikası Mərkəzi Bankının Naxçıvan Muxtar Respublikası İdarəsi tərəfindən “Heydər Əliyev İli” ilə bağlı silsilə tədbirlər davam etdirilir.

Azərbaycan Respublikası Mərkəzi Bankının Naxçıvan Muxtar Respublikası İdarəsi və Naxçıvan Dövlət Universitetinin birgə təşəbbüskarlığı ilə Ümummilli Lider Heydər Əliyevin anadan olmasının 100 illiyi münasibətilə “Maliyyə savadlılığı layihəsi” çərçivəsində “Açıq bankçılıq” mövzusunda təlim

23 oktyabr tarixində Azərbaycan Respublikası Mərkəzi Bankının Naxçıvan Muxtar Respublikası İdarəsi və Naxçıvan Dövlət Universitetinin birgə təşəbbüskarlığı ilə Ümummilli Lider Heydər Əliyevin anadan olmasının 100 illiyi münasibətilə Universitetin müəllim və tələbə kollektivi üçün “Maliyyə savadlılığı layihəsi” çərçivəsində “Açıq bankçılıq” mövzusunda təlim keçirilmişdir.

Təlimi giriş sözü ilə universitetin rektoru, dosent Elbrus İsayev açaraq bu tip silsilə tədbirlərin keçirilməsinin tələbələr üçün xüsusi əhəmiyyətə malik olduğunu vurğulamış, müasir bank məhsul və xidmətlərinə günümüzdə böyük kütlə tərəfindən maraq göstərilməsinin mövcud sahədə baş verən innovativ inkişafın bariz nümunəsi olduğunu bildirmişdir.

Sonra Azərbaycan Respublikası Mərkəzi Bankının Naxçıvan Muxtar Respublikası İdarəsinin sədri Elçin Əliyev təlimin əsas məqsədinin region əhalisi arasında bank məhsul və xidmətləri ilə bağlı əməliyyatlarda daha çevik və düzgün qərarların verilməsini dəstəkləmək və onlarda yenilikçi bank sektoruna inamı gücləndirməkdən ibarət olduğunu bildirmişdir.

Daha sonra videobağlantı ilə tədbirə qoşulan Azərbaycan Respublikası Mərkəzi Bankının Baş direktoru Fərid Osmanov və “Azərbaycan Fintex Assosiasiyası” İctimai Birliyinin idarə heyətinin sədri Ruslan Talıbov qarşılıqlı əməkdaşlıq çərçivəsində bu cür tədbirlərin keçirilməsini yüksək qiymətləndirdiyini söyləmiş və regionda əhalinin bank savadlılığının artırılması istiqamətində marifləndirici seminar və tədbirlərin keçirilməsinə bundan sonra da müvafiq dəstəyin göstəriləcəyini bildirmişdir.

İdarənin əməkdaşları tərəfindən fintex anlayışı və təkamülü, onun formaları, açıq bankçılıq və onun üstünlükləri, kibergigiyena qaydaları və s. mövzular elektron slaydlarla tədris olunmuş, sonda iştirakçılar arasında oyun əsaslı tədris platforması olan “Kahoot” sistemi vasitəsilə yarış keçirilmiş, qalib şəxslərə hədiyyələr təqdim edilmişdir.

Sonda Azərbaycan Respublikası Mərkəzi Bankının Maliyyə savadlılığı şöbəsinin rəisi Xumar Hüseynova Mərkəzi Bank tərəfindən "Maliyyə savadlılığı" layihəsi çərçivəsində hazırlanmış resurslar barədə auditoriyanı məlumatlandirmis və tələbələri maraqlandıran sualları cavablandirmisdir.

#asset-45#asset-46#asset-47 #asset-48 #asset-49

Azərbaycan Respublikası Mərkəzi Bankının Naxçıvan Muxtar Respublikası İdarəsi, Əmanətlərin Sığortalanması Fondu və Naxçıvan Universitetinin birgə təşəbbüsü ilə “Əmanətlərin sığortalanması sistemi və hüquqi bazanın öyrənilməsi” mövzusunda təlim

23 oktyabr tarixində Azərbaycan Respublikası Mərkəzi Bankının Naxçıvan Muxtar Respublikası İdarəsi, Əmanətlərin Sığortalanması Fondu və Naxçıvan Universitetinin birgə təşəbbüsü ilə Əmanətlərin Sığortalanması Fondunun əməkdaşları tərəfindən “Naxçıvan” Universitetinin müəllim və tələbə heyəti üçün “Əmanətlərin sığortalanması sistemi və hüquqi bazanın öyrənilməsi” mövzusunda təlim keçirilmişdir.

Təlimi giriş sözü ilə açan Universitetin rektoru dosent Anar Kazımov bu tipli tədbirlərin ali təhsil müəssisələrində təhsil alan tələbələrə tədris edilməsinin əhəmiyyətini qeyd etmiş, gələcəkdə də adıçəkilən tədbirlərin davamlı olmasını məqsədəuyğun hesab etmişdir.

Sonra Azərbaycan Respublikası Mərkəzi Bankının Naxçıvan Muxtar Respublikası İdarəsinin sədri Elçin Əliyev tədbirin əhəmiyyətinə toxunaraq cəmiyyətdə daha savadlı və məlumatlı istehlakçı seqmentinin formalaşdırılmasında bu cür tədbirlərin həlledici rol oynadığını vurğulamışdır.

Daha sonra videobağlantı ilə tədbirə qoşulan Fondun Himayəçilik Şurasının sədri, Azərbaycan Respublikası Mərkəzi Bankının Baş direktoru Toğrul Əliyev Naxçıvanda bu mövzuda ilk dəfə təlimin keçirildiyini və bundan sonra da region əhalisinin, xüsusilə də gənc nəslin maliyyə savadlılığının artırılması ilə bağlı tədbirlərin davam etdiriləcəyini bildirmiş və iştirakçılara uğurlar arzulamışdır.

Təlim zamanı Fondun təcrübəli əməkdaşları tərəfindən əmanətlərin əhəmiyyəti, əmanət yerləşdirilməsi zamanı nələrə diqqət edilməli və risklərin qiymətləndirilməsi mövzularında tədbir iştirakçılarına məlumat çatdırılmış, iştirakçıların mövzu ətrafında sualları ətraflı cavablandırılmışdır.

Sonda Azərbaycan Respublikası Mərkəzi Bankının Maliyyə savadlılığı şöbəsinin rəisi Xumar Hüseynova Mərkəzi Bank tərəfindən "Maliyyə savadlılığı" layihəsi çərçivəsində hazırlanmış resurslar barədə auditoriyanı məlumatlandirmis və tələbələri maraqlandıran sualları cavablandirmisdir.

#asset-50#asset-59#asset-51#asset-52 #asset-53#asset-60

Azərbaycan Respublikası Mərkəzi Bankının Naxçıvan Muxtar Respublikası İdarəsinin təşəbbüsü və Naxçıvan Gənclər Fondunun təşkilati dəstəyilə Naxçıvan şəhərində Ümummilli Lider Heydər Əliyevin 100 illik yubileyinə həsr olunmuş banklararası “Lider” müsabiqəsi

23 oktyabr tarixində Azərbaycan Respublikası Mərkəzi Bankının Naxçıvan Muxtar Respublikası İdarəsinin təşəbbüsü və Naxçıvan Gənclər Fondunun təşkilati dəstəyilə Naxçıvan şəhərində yerləşən Gənclik Mərkəzində Ümummilli Lider Heydər Əliyevin anadan olmasının 100-cü ildönümü münasibətilə regionda fəaliyyət göstərən banklararası “Lider” müsabiqəsi keçirilmişdir.

Müsabiqənin keçirilməsində məqsəd Azərbaycanın pul təsərrüfatı tarixini əsas götürərək pulun tarixinə işıq salmaqla bank əməkdaşlarının bu istiqamətdə biliklərinin artırılmasına, ölkəmizin keçmişdən günümüzə pul tarixinin öyrənilməsinə töhfə verməkdən ibarət olmuşdur.

Müsabiqənin sonunda qalib olan Beynəlxalq Bank ASC-nin Naxçıvan filialının komandasina hədiyyə və diplomlar təqdim edilmişdir.

#asset-54#asset-55#asset-56#asset-57#asset-58

Ümummilli Lider Heydər Əliyevin anadan olmasının 100 illiyi münasibətilə Mərkəzi Bankın Naxçıvan MR İdarəsi tərəfindən istedadlı bank əməkdaşlarının yaradıcılıq tədbiri keçirilib

Ölkədə banklar arasında ilk dəfə keçirilən tədbirdə Mərkəzi Bankın baş direktoru Gülər Paşayeva, İR departamentinin direktoru Oksana İsmayılova, AR Milli Məclisinin deputatları Cəbi Quliyev və Ülviyyə Həmzəyeva, AR XİN NMR İdarəsinin rəisi Vüsal Ələkbərli və digər qonaqlar iştirak edib.

Mərkəzi Bankın Naxçıvan MR İdarəsinin sədri Elçin Əliyev çıxışında bildirib ki, Ölkə Prezidenti cənab İlham Əliyevin müvafiq sərəncamına əsasən Azərbaycan Respublikasında 2023-cü il H.Əliyev İli elan edilib. Ümummilli Lider H.Əliyevin anadan olmasının 100 illik yubileyi ölkəmizin hər yerində yüksək ehtiram və dərin minnətdarlıq hissi ilə geniş qeyd olunur, silsilə tədbirlər keçirilir. Bugün keçirilən yaradıcılıq tədbiri də bu istiqamətdə həyata keçirilən tədbirlərin davamıdır.

Sonra Mərkəzi Bankın baş direktoru Gülər Paşayeva çıxış edib. O, tədbirdə iştirak edən bütün istedadlı gənclərə uğur arzulayıb.

Tədbirin davamında Ümummilli Liderin həyatından bəhs edən videoçarx nümayiş etdirilib.

Daha sonra tədbir iştirakçıları muxtar respublikada fəaliyyət göstərən bankların əməkdaşlarının hazırladığı rəsm və əl işlərindən ibarət sərgi ilə tanış olublar.

Tədbir müxtəlif videoçarxlar və bank əməkdaşlarının hazırladığı musiqi nömrələrinin ifaları ilə davam edib.

#asset-31#asset-32#asset-33 #asset-34 #asset-35 #asset-36 #asset-37 #asset-38 #asset-39

“Heydər Əliyev İli” çərçivəsində Mərkəzi Bankın Naxçıvan MR İdarəsi tərəfindən “Maliyyə savadlılığı” layihəsi ilə bağlı növbəti tədbir keçirilmişdir

23 may 2023-cü il tarixində “Heydər Əliyev İli” çərçivəsində Naxçıvan Qızlar Liseyində Mərkəzi Bankın Naxçıvan MR İdarəsi tərəfindən “Maliyyə savadlılığı” layihəsi ilə bağlı məktəblilər üçün tədbir keçirilmişdir.

Tədbiri giriş sözü ilə Mərkəzi Bankın Naxçıvan MR İdarəsinin əməkdaşı Aytac Axundova açaraq, əhalinin maliyyə savadlılığının artırılmasında Mərkəzi Bankın əsas maraqlı tərəf olduğunu bildirmiş və bu istiqamətdə silsilə təlimlər, tədbirlər, müsabiqələr təşkil etdiyini qeyd etmişdir. Azərbaycan Respublikası Mərkəzi Bankının Naxçıvan MR İdarəsinin də regionda əhalinin maliyyə savadlılığının artırılmasına yönəlmiş maarifləndirici tədbirlərini silsiləvi şəkildə davam etdirdiyini və bu tədbirlərdə əsas hədəf qruplarından birinin təhsil sektorunun nümayəndələri yəni müəllim, tələbə və şagird kollektivləri olduğunu qeyd etmiş, həmçinin tədbirin gedişatı haqqında iştirakçıları məlumatlandırmışdır.

Daha sonra İdarənin əməkdaşı Nərgiz Allahverdiyeva tərəfindən sığorta nədir?, sığorta mexanizmi necə işləyir?, sığortanın hansı növləri var? və s. mövzularda məlumatlar şagirdlərin diqqətinə çatdırılmış, "Sığortanın həyatımızdakı rolu" adlı video-slayd təqdim edilmişdir. Tədbirin ikinci hissəsində isə həmin mövzulardan hazırlanmış suallar vasitəsi ilə şagirdlər arasında yarış keçirilmişdir.

Sonda qalib olan şagirdlərə Mərkəzi Bankın Naxçıvan MR İdarəsi tərəfindən hədiyyələr təqdim edilmişdir.

#asset-26#asset-27#asset-28 #asset-29 #asset-30

Azərbaycan Respublikası Mərkəzi Bankının Naxçıvan MR İdarəsi tərəfindən "Naxçıvan Muxtar Respublikasında nağdsız ödənişlər: mövcud vəziyyət və inkişaf perspektivləri" adlı jurnal dərc edilmişdir

Azərbaycan Respublikası Mərkəzi Bankının Naxçıvan Muxtar Respublikası İdarəsi tərəfindən Azərbaycan xalqının Ümummilli Lideri, müstəqil Azərbaycan dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 illiyinə həsr olunmuş "Naxçıvan Muxtar Respublikasında nağdsız ödənişlər: mövcud vəziyyət və inkişaf perspektivləri" adlı jurnal dərc edilmişdir. Jurnalda Naxçıvan Muxtar Respublikasının bank və ödəniş infrastrukturunun xəritəsi, regionda rəqəmsal ödəniş xidmətlərinin inkişafına dair icra olunmuş proqramlar və nağdsız ödənişlərin artım dinamikası və s. bu kimi mühüm mövzulara toxunulmuşdur. Bütün bunlarla yanaşı, jurnalda rəqəmsal ödənişlər və bu sahədə texnoloji yeniliklərin roluna dair müxtəlif mövzularda mütəxəssis məqalələri yerləşdirilmiş, həmçinin jurnalda oxucuların marağına səbəb olacaq “Terminlər lüğəti” adlı bölmə də əlavə edilmişdir.

Naxçıvan Muxtar Respublikasında nağdsız ödənişlər: mövcud vəziyyət və inkişaf perspektivləri

Azərbaycan Respublikası Mərkəzi Bankının Naxçıvan Muxtar Respublikası İdarəsi tərəfindən Azərbaycan xalqının Ümummilli Lideri Heydər Əliyevin anadan olmasının 100 illiyinə həsr olunmuş regionda fəaliyyət göstərən banklar arasında mini futbol turniri başa çatıb

2023-cü il mayın 8-də “Heydər Əliyev İli” ilə bağlı tədbirlər çərçivəsində Azərbaycan Respublikası Mərkəzi Bankının Naxçıvan Muxtar Respublikası İdarəsinin təşkilatçılığı ilə regionda fəaliyyət göstərən bank və digər kredit təşkilatları arasında keçirilən mini-futbol turnirinin final mərhələsi keçirilib.

Tədbirdə Azərbaycan Respublikası Mərkəzi Bankının Naxçıvan MR İdarəsinin sədri, Naxçıvan Muxtar Respublikasının Gənclər və İdman naziri, həmçinin muxtar respublikada fəaliyyət göstərən bank filiallarının rəhbərləri, bank əməkdaşları iştirak edib.

"Naxçıvanbank" ASC və "Bank Respublika" ASC-nin Naxçıvan filialının komandaları arasında baş tutan final oyunu gərgin mübarizə şəraitində keçmişdir. Görüş "Bank Respublika" ASC-nin Naxçıvan filialının komandasının əzmkar qələbəsi ilə başa çatmışdır.

Yekunda qalib komandaların mükafatlandırma mərasimi keçirilmişdir. Azərbaycan Respublikası Mərkəzi Bankın Naxçıvan MR İdarəsinin sədri Elçin Əliyev və Naxçıvan Muxtar Respublikasının Gənclər və İdman naziri Ramil Hacı çıxış edərək qalib komandaları təbrik edib.

Qalib komanda üzvlərinə kubok və diplomlar təqdim olunmuşdur.

Qeyd edək ki, 12 aprel tarixindən start verilmiş turnirdə ümumilikdə 12 komanda iştirak edib. Azərbaycan Respublikası Mərkəzi Bankının Naxçıvan Muxtar Respublikası İdarəsinin komandası ilə yanaşı, muxtar respublikada fəaliyyət göstərən bank, sığorta və digər kredit təşkilatlarının komandaları mübarizə aparıblar.

#asset-22#asset-23#asset-24 #asset-25 

Mərkəzi Bankın Naxçıvan MR İdarəsi tərəfindən “Maliyyə savadlılığı” layihəsi çərçivəsində məktəblilər üçün növbəti tədbir keçirilmişdir

28 aprel 2023-cü il tarixində görkəmli oftalmoloq-alim, akademik Zərifə Əliyevanın 100 illik yubileyi günündə doğulduğu Şahtaxtı kəndində akademikin adını daşıyan tam orta məktəbdə Mərkəzi Bankın Naxçıvan MR İdarəsi tərəfindən “Maliyyə savadlılığı” layihəsi çərçivəsində məktəblilər üçün tədbir keçirilmişdir.

Tədbirdə İdarənin əməkdaşı Nərgiz Allahverdiyeva tərəfindən ölkəmizdə istifadə olunan kağız və metal pul nişanları, dövriyyəyə buraxılmış yeni valyutalar, pul nişanlarının əsas elementləri və onların dizayn və mühafizə fəlsəfəsi və s. mövzularda məlumatlar şagirdlərin diqqətinə çatırılmış, "Milli pul nişanlarımızın tarixi və mühafizə fəlsəfəsi" adlı video-slayd təqdim edilmişdir.

Tədbirin ikinci hissəsində isə həmin mövzulardan hazırlanmış suallar vasitəsi ilə şagirdlər arasında yarış keçirilmişdir.

Sonda qalib olan şagirdlərə Mərkəzi Bankın Naxçıvan MR İdarəsi tərəfindən hədiyyələr təqdim edilmişdir.

#asset-16#asset-17#asset-18 #asset-19 #asset-20

Azərbaycan Respublikası Mərkəzi Bankının Naxçıvan Muxtar Respublikası İdarəsinin təşkilatçılığı ilə “Heydər Əliyev İli”nə həsr olunmuş futbol turniri başlanıb

“Heydər Əliyev İli” ilə bağlı tədbirlər çərçivəsində Azərbaycan Respublikası Mərkəzi Bankının Naxçıvan Muxtar Respublikası İdarəsinin təşkilatçılığı ilə regionda fəaliyyət göstərən bank filialları və digər kredit təşkilatlarının komandaları arasında təşkil olunmuş mini-futbol turnirinə start verilib.

12 aprel tarixində turnirin açılış mərasimi keçirilib. Əvvəlcə Azərbaycan Respublikasının Dövlət Himni səsləndirilib, sonra Ulu öndər Heydər Əliyevin və Azərbaycanın ərazi bütövlüyü uğrunda canlarından keçmiş şəhidlərin xatirəsi bir dəqiqəlik sükutla yad edilib.

Tədbiri giriş sözü ilə Mərkəzi Bankının Naxçıvan MR İdarəsinin sədri Elçin Əliyev açaraq qeyd edib ki, Ümummilli lider Heydər Əliyevin 1993-cü ildə hakimiyyətə qayıdışından sonra bütün sahələrdə olduğu kimi idmanın inkişafı da dövlət siyasətinin prioritet istiqamətindən birinə çevrilib. Artıq günümüzdə Azərbaycan bir idman ölkəsi kimi beynəlxalq aləmdə tanınır. Həmçinin, Azərbaycan Respublikasının Prezidenti cənab İlham Əliyev tərəfindən bu sahəyə göstərilən xüsusi diqqət və qayğıdan da bəhs edilib. O, sonda turnir iştirakçılarına uğurlar arzulayıb.

Qeyd edək ki, ümumilikdə on iki komandanın iştirak edəcəyi turnirdə Azərbaycan Respublikası Mərkəzi Bankının Naxçıvan Muxtar Respublikası İdarəsinin komandası ilə yanaşı, muxtar respublikada fəaliyyət göstərən bank filialları və bank olmayan kredit təşkilatlarının komandaları mübarizə aparacaqlar.

#asset-12#asset-13#asset-14 #asset-15

Ümummilli Lider Heydər Əliyevin anadan olmasının 100 illiyi münasibətilə Mərkəzi Bankın Naxçıvan Muxtar Respublikası İdarəsi tərəfindən “Maliyyə Savadlılığı Layihəsi” çərçivəsində Naxçıvan Universitetində Açıq Bankçılıq mövzusunda tədbir keçirilmişdir

Tədbiri giriş sözü ilə institutun rektoru dosent Anar Kazımov açaraq bu tip silsilə tədbirlərin keçirilməsinin tələbələr üçün xüsusi əhəmiyyətə malik olduğunu vurğulamışdır. Bundan başqa, muasir bank məhsul və xidmətlərinə günümüzdə böyük kütlə tərəfindən maraq göstərilməsi mövcud sahədə baş verən innovativ inkişafın bariz nümunəsidir. Bu tipli tədbirlərin ali təhsil müəssisələrində təhsil alan tələbələrə tədris edilməsinin əhəmiyyətini qeyd edərək gələcəkdə də adışəkilən tədbirlərin davamlı olmasını məqsədəuyğun hesab etmişdir.

Sonra Azərbaycan Respublikası Mərkəzi Bankının Naxçıvan Muxtar Respublikası İdarəsinin sədri Elçin Əliyev tədbirin əhəmiyyətinə toxunaraq maliyyə texnologiyalarının bank işinin həyata keçirilməsində həlledici rol oynadığını vurğulamışdır. Həmçinin təlimin Ümummilli Lider Heydər Əliyevin anadan olmasının 100 illiyinə həsr olunduğunu və bu silsilə tədbirlərin regionda fəliyyət göstərən bütün ali təhsil ocaqlarında davamlı şəkildə təşkil olacağını diqqətə çatdırmışdır. Belə ki, bu tədbirlərin davamlı xarakter daşımasının əsas səbəbinin Ulu Öndər Heydər Əliyevin uğurla formalaşdırdığı yeni cəmiyyətin və gənc nəsilin arasında bank məhsul və xidmətləri ilə bağlı əməliyyatlarda daha çevik və düzgün qərarların verilməsini dəstəkləmək və onlarda yenilikçi bank sektoruna inamı gücləndirməkdən ibarət olduğunu bildirmişdir.

Daha sonra videobağlantı ilə tədbirə qoşulan Azərbaycan Banklar Assosiasiyasının prezidenti Zakir Nuriyev qarşılıqlı əməkdaşlıq çərçivəsində bu cür tədbirlərin keçirilməsini yüksək qiymətləndirdiyini söyləmiş və regionda əhalinin bank savadlılığının artırılması istiqamətində marifləndirici seminar və tədbirlərin keçirilməsinə bundan sonra da müvafiq dəstəyin göstəriləcəyini bildirmişdir. Çıxış zamanı maliyyə texnologiyalarının əhəmiyyətini vurğulayaraq, maliyyə inkluzivliyinin artırılması, ölkəmizin açıq bankçılıq sahəsinə inteqrasiyası və bu sahədə atılan addımlardan danışmışdır.

Tədbir zamanı iştirakçılara Mərkəzi Bankın İqtisadi təhlil və statistika şöbəsinin rəisi Vüqar Məmmədzadə və şöbənin əməkdaşı Mərhəmət Bayramov tərəfindən fintex anlayışı və təkamülü, onun formaları, açıq bankçılıq və onun üstünlükləri, kibergigiyena qaydaları və s. mövzular elektron slaydlarla tədris olunmuş və iştirakçıların mövzu ətrafında sualları ətraflı cavablandırılmışdır.

Sonda iştirakçılar arasında oyun əsaslı tədris platforması olan “Kahoot” sistemi vasitəsilə yarış keçirilmiş, qalib şəxslərə İdarənin rəhbərliyi və regionda fəaliyyət göstərən Naxçıvanbank ASC, Azərbaycan Beynəlxalq Bankı ASC, Azər-Türk Bank ASC, Kapital Bank ASC-nin yerli filialları və Rabitəbank ASC-nin şöbəsi tərəfindən sertifikatlar və müxtəlif dəyərli hədiyyələr təqdim edilmişdir.

Mərkəzi Bankın Naxçıvan Muxtar Respublikası İdarəsi “Maliyyə Savadlılığı Layihəsi” çərçivəsində Heydər Əliyev iliylə əlaqədar olaraq əhalinin bank sahəsində bilik və bacarıqlarının artırılması istiqamətində bundan sonra da silsilə tədbirləri davam etdirəcəkdir.

#asset-8#asset-9#asset-10 #asset-11

Ümummilli Lider Heydər Əliyevin anadan olmasının 100 illiyi münasibətilə Mərkəzi Bankın Naxçıvan Muxtar Respublikası İdarəsi tərəfindən “Maliyyə Savadlılığı Layihəsi” çərçivəsində Naxçıvan Müəllimlər İnstitutunda Açıq Bankçılıq mövzusunda tədbir keçirilmişdir

7 aprel 2023-cü il tarixində Mərkəzi Bankın Naxçıvan Muxtar Respublikası İdarəsi tərəfindən “Maliyyə Savadlılığı Layihəsi” çərçivəsində Naxçıvan Müəllimlər İnstitutunda Azərbaycan xalqının Ümummilli Lideri Heydər Əliyevin anadan olmasının 100 illiyinə həsr olunan Açıq Bankçılıq mövzusunda tədbir keçirilmişdir. Tədbirə Mərkəzi Bankın Naxçıvan MR İdarəsinin və Naxçıvan Müəllimlər İnstitutunun rəhbərliyi, əməkdaşları və institutun tələbələri cəlb olunmuşlar.

Tədbiri giriş sözü ilə institutun rektoru Azad Novruzov açaraq bu tip silsilə tədbirlərin keçirilməsinin tələbələr üçün xüsusi əhəmiyyətə malik olduğunu vurğulamışdır. Bundan başqa, Maliyyə və bank sektorunda yeni texnologiyaların geniş tətbiq olunması, bu sahənin maddi-texniki bazasının gücləndirilməsi və əhalinin informasiya-kommunikasiya texnologiyalarına çıxış imkanlarının yaxşılaşdırılmasının diqqətdə saxlanıldığını qeyd etmişdir.

Daha sonra, Azərbaycan Respublikası Mərkəzi Bankının Naxçıvan Muxtar Respublikası İdarəsinin sədri Elçin Əliyev tədbirin əhəmiyyətinə toxunaraq maliyyə texnologiyalarının bank işinin həyata keçirilməsində həlledici rol oynadığını vurğulamışdır. Həmçinin təlimin Ümummilli Lider Heydər Əliyevin anadan olmasının 100 illiyinə həsr olunduğunu və bu silsilə tədbirlərin regionda fəliyyət göstərən bütün ali təhsil ocaqlarında davamlı şəkildə təşkil olacağını diqqətə çatdırmışdır. Belə ki, bu tədbirlərin davamlı xarakter daşımasının əsas səbəbinin Ulu Öndər Heydər Əliyevin uğurla formalaşdırdığı yeni cəmiyyətin və gənc nəslin arasında bank məhsul və xidmətləri ilə bağlı əməliyyatlarda daha çevik və düzgün qərarların verilməsini dəstəkləmək və onlarda yenilikçi bank sektoruna inamı gücləndirməkdən ibarət olduğunu bildirmişdir.

Tədbir zamanı iştirakçılara Mərkəzi Bankın İqtisadi təhlil və statistika şöbəsinin rəisi Vüqar Məmmədzadə və şöbənin əməkdaşı Mərhəmət Bayramov tərəfindən fintex anlayışı və təkamülü, onun formaları, açıq bankçılıq və onun üstünlükləri, kibergigiyena qaydaları və s. mövzular elektron slaydlarla tədris olunmuş və iştirakçıların mövzu ətrafında sualları ətraflı cavablandırılmışdır.

Sonda iştirakçılar arasında oyun əsaslı tədris platforması olan “Kahoot” sistemi vasitəsilə yarış keçirilmiş və qalib şəxslərə İdarənin rəhbərliyi tərəfindən müxtəlif hədiyyələr təqdim edilmişdir.

Mərkəzi Bankın Naxçıvan Muxtar Respublikası İdarəsi “Maliyyə Savadlılığı Layihəsi” çərçivəsində “Heydər Əliyev ili” ilə əlaqədar olaraq əhalinin bank sahəsində bilik və bacarıqlarının artırılması istiqamətində bundan sonra da silsilə tədbirləri davam etdirəcəkdir.

#asset-3#asset-4#asset-5 

#asset-6#asset-7

Naxçıvanda investorların hüquqlarının müdafiəsinə həsr olunmuş görüş keçirilib

Mərkəzi Bankın Naxçıvan Muxtar Respublikası idarəsində regionda fəaliyyət göstərən səhmdar cəmiyyətlərin nümayəndələrinin iştirakı ilə görüş keçirilib. Tədbirdə investorların hüquqlarının müdafiəsinin möhkəmləndirilməsi, səhmdar cəmiyyətlərdə korporativ idarəetmənin təkmilləşdirilməsi, emitentlərin illik hesabatlarının qanunvericiliyə uyğun tərtibi və səhmdarların ümumi yığıncaqlarının düzgün qaydada çağırılması kimi mövzular müzakirə edilib.

Görüşün əsas məqsədi səhmdar cəmiyyətlərdə məlumatlılığın artırılması və bu yolla maliyyə xidmətləri istehlakçılarının hüquqlarının müdafiəsidir.

#İnsanHüquqlarıAylığı #HumanRightsMonth

 #asset-116

Azərbaycan Respublikası Mərkəzi Bankının Naxçıvan Muxtar Respublikası İdarəsi “Kiber cinayətkarlıq və ona qarşı mübarizə üsulları” mövzusunda maarifləndirici tədbir keçirib

Azərbaycan Respublikası Mərkəzi Bankının Naxçıvan Muxtar Respublikası İdarəsi, Naxçıvan Muxtar Respublikası Prokurorluğu, Naxçıvan Muxtar Respublikası Daxili İşlər Nazirliyi və Naxçıvan Dövlət Universiteti tərəfindən regionda fəaliyyət göstərən idarə və təşkilatlarda “Kiber cinayətkarlıq və ona qarşı mübarizə üsulları” mövzusunda maarifləndirici tədbir keçirilib.
Keçirilən maarifləndirmə tədbirlərində Mərkəzi Bankın Naxçıvan Muxtar Respublikası İdarəsinin Maliyyə xidmətləri istehlakçılarının hüquqlarının müdafiəsi bölməsinin rəhbəri Mərhəmət Bayramov da mövzu ilə bağlı çıxış edib.
Naxçıvan Muxtar Respublikası İcbari Tibbi Sığorta üzrə Dövlət Agentliyində, Naxçıvan Muxtar Respublikası Fövqəladə Hallar Nazirliyində baş tutan tədbirin sonunda iştirakçıları maraqlandıran suallar cavablandırılıb.

#asset-120#asset-121#asset-122 #asset-123

“Naxçıvan Muxtar Respublikasının sosial-iqtisadi inkişafına dair 2023–2027-ci illər üçün Dövlət Proqramı”da nəzərdə tutulmuş tədbirlərin icrası məqsədilə Azərbaycan Respublikası Mərkəzi Bankının Naxçıvan Muxtar Respublikası İdarəsi və Şahbuz Rayon İcra Hakimiyyətinin birgə təşkilatçılığı ilə sığorta maarifləndirməsi ilə bağlı tədbir keçirilib

Tədbir Naxçıvan Muxtar Respublikası Şahbuz Rayon İcra Hakimiyyətində təşkil olunub.

Tədbir zamanı iştirakçılara sığorta sisteminin əsasları, müasir tendensiyalar, sığorta məhsullarının qiymətləndirilməsi və müvafiq sahədə istehlakçı hüquqlarının daha yaxşı öyrənilməsi mövzularında ətraflı məlumat verilib. 

Diskussiya şəraitində keçirilən tədbirin davamında iştirakçıların sualları cavablandırılıb.

 #asset-119

Azərbaycan Respublikası Mərkəzi Bankının Naxçıvan Muxtar Respublikası İdarəsi tərəfindən maliyyə savadlılığının artırılmasına yönəlmiş növbəti maarifləndirici tədbir keçirilib

Naxçıvan şəhər Hüseyn Cavid adına 5 nömrəli tam orta məktəbdə baş tutan maarifləndirmə tədbirində şagirdlərə “Sığortanın həyatımızdakı rolu” mövzusunda ətraflı məlumat verilmişdir.

Tədbirin ikinci hissəsində mövzu üzrə hazırlanmış suallar vasitəsi ilə şagirdlər arasında yarış keçirilərək qaliblərə hədiyyələr təqdim edilmişdir.

#asset-118

Mərkəzi Bankın Naxçıvan Muxtar Respublikası İdarəsi tərəfindən Şərur rayonunda vətəndaşların səyyar qəbulu keçirilib

Azərbaycan Respublikasının Mərkəzi Bankı tərəfindən maliyyə xidmətləri istehlakçılarının və investorların hüquqlarının müdafiəsinin möhkəmləndirilməsi istiqamətində tədbirlər davam etdirilir. Bu çərçivədə növbəti təşəbbüs Şərur rayonunda vətəndaşların səyyar qəbulunun keçirilməsi olub.

Qəbul zamanı vətəndaşların maliyyə xidmətlərilə bağlı müraciətləri dinlənilərək zəruri məlumatlar təqdim olunub, şifahi müraciətlərini ünvanlayan vətəndaşlardan isə zəruri məlumatlar əldə edilməklə müraciətləri üzrə araşdırma nəticəsi barədə əlavə məlumat veriləcəyi bildirilib.

 #asset-117

“Kibercinayətkarlıq və ona qarşı mübarizə üsulları’’ mövzusunda tədbir keçirilib

Mərkəzi Bankın Naxçıvan Muxtar Respublikası İdarəsi, Naxçıvan Muxtar Respublikası Prokurorluğu, Naxçıvan Muxtar Respublikası Daxili İşlər Nazirliyi və Naxçıvan Dövlət Universiteti tərəfindən regionda fəaliyyət göstərən idarə və təşkilatlarda “Kibercinayətkarlıq və ona qarşı mübarizə üsulları” mövzusunda maarifləndirici silsilə tədbirlər həyata keçirilib.

Qeyd edək ki, Naxçıvan MR Dövlət Sosial Müdafiə Fondunda, Naxçıvan Dövlət Universitetinin Tibb Kollecində, Naxçıvan Dövlət Universitetinin Texniki Kollecində, Naxçıvan Dövlət Universitetinin Musiqi Kollecində, Naxçıvan Müəllimlər İnstitutunda, Naxçıvan Muxtar Respublikası Əmək və Əhalinin Sosial Müdafiəsi Nazirliyində, Naxçıvan Muxtar Respublikasının Ekologiya və Təbii Sərvətlər Nazirliyində təşkil edilən maarifləndirici tədbirin regionda fəaliyyət göstərən digər qurumlarda da davam etdirilməsi nəzərdə tutulub.

Keçirilən maarifləndirmə tədbirləri iştirakçılara real nümunələr və praktik həll yolları təqdim edərək kibercinayətkarlığa qarşı effektiv mübarizə metodlarını öyrənmək imkanı yaradıb.

#asset-114#asset-113#asset-112 #asset-111

“Naxçıvan Muxtar Respublikasının sosial-iqtisadi inkişafına dair 2023–2027-ci illər üçün Dövlət Proqramı”da nəzərdə tutulmuş tədbirlərin icrası məqsədilə Azərbaycan Respublikası Mərkəzi Bankının Naxçıvan Muxtar Respublikası İdarəsi və Babək Rayon İcra Hakimiyyətinin birgə təşkilatçılığı ilə sığorta maarifləndirilməsi ilə bağlı tədbir keçirilib

Tədbir aprel ayının 30-da Naxçıvan Muxtar Respublikası Babək Rayon İcra Hakimiyyətində təşkil olunub. Babək Rayon İcra Hakimiyyətinin Ərazi İdarəetmə və yerli özünüidarəetmə orqanları ilə iş şöbəsinin müdiri Ramil Allahyarov ictimai həyatda, iqtisadiyyatın inkişafında sığortanın rolundan bəhs edib, bu sahədə maliyyə savadlılığının artırılmasının zəruriliyini vurğulayıb.

Mərkəzi Bankın Naxçıvan Muxtar Respublikası İdarəsinin Maliyyə və sığorta bazarlarının fəaliyyətinə nəzarət şöbəsinin rəisi Azər Mədətov tədbirin maliyyə qərarlarının verilməsi üçün müvafiq bilik və bacarıqların artırılmasını hədəflədiyini bildirib, iştirakçılara sığortanın üstünlükləri və qazandırdığı dəyərlər barədə məlumat verib.

Daha sonra Mərkəzi Bankın Naxçıvan Muxtar Respublikası İdarəsinin əməkdaşları Aysel Əliyeva və Ceyhun İbrahimov sığorta sisteminin əsasları, müasir tendensiyalar, sığorta məhsullarının qiymətləndirilməsi və müvafiq sahədə istehlakçı hüquqlarının daha yaxşı öyrənilməsi mövzularında ətraflı məlumat veriblər.

Diskussiya şəraitində keçirilən tədbirin davamında iştirakçıların sualları cavablandırılıb.

#asset-108#asset-109

“Kibercinayətkarlıq və ona qarşı mübarizə üsulları'' mövzusunda tədbir keçirilib

Mərkəzi Bankın Naxçıvan Muxtar Respublikası İdarəsi, Naxçıvan Muxtar Respublikası Prokurorluğu, Naxçıvan Muxtar Respublikası Daxili İşlər Nazirliyi və Naxçıvan Dövlət Universiteti tərəfindən regionda fəaliyyət göstərən idarə və təşkilatlarda "Kibercinayətkarlıq və ona qarşı mübarizə üsulları" mövzusunda maarifləndirici silsilə tədbirlər həyata keçirilib.
Qeyd edək ki, Ailə, Qadın və Uşaq Problemləri üzrə Dövlət Komitəsində və Səhiyyə Nazirliyinin tabeliyindəki qurumlarda təşkil edilən maarifləndirici tədbirin regionda fəaliyyət göstərən digər qurumlarda da davam etdirilməsi nəzərdə tutulub.
Keçirilən maarifləndirmə tədbirləri iştirakçılara real nümunələr və praktik həll yolları təqdim edərək kibercinayətkarlığa qarşı effektiv mübarizə metodlarını öyrənmək imkanı yaradıb.

#asset-103#asset-104#asset-105

Beynəlxalq Qənaət Günü münasibətilə məktəblilər üçün tədbir keçirilib

Maliyyə məlumatlılığı layihəsi çərçivəsində Mərkəzi Bankın Naxçıvan MR İdarəsi tərəfindən Naxçıvan Dövlət Universitetinin (NDU) Beynəlxalq Məktəbində 31 Oktyabr - Beynəlxalq Qənaət Günü münasibətilə məktəblilər üçün tədbir keçirilib.

Tədbirdə açılış niqti ilə çıxış edən NDU-nun Beynəlxalq Məktəbinin direktoru Bayram Əliyev bu cür tədbirlərin şagirdlərin dünyagörüşünün artırılmasındakı əhəmiyyətindən bəhs edib.

Tədbirdə çıxış edən Mərkəzi Bankın Naxçıvan Muxtar Respublikası İdarəsinin bölmə rəhbəri Mərhəmət Bayramov Mərkəzi Bankın maliyyə məlumatlılığının artırılması istiqamətində həyata keçirilən təşəbbüslərdən danışıb.

Daha sonra İdarənin əməkdaşı Aytac Axundova tərəfindən bütün dünya bankları üçün əhəmiyyətli günlərdən biri hesab edilən Ümumdünya Qənaət Günü və qənaət vərdişləri haqqında təqdimat nümayiş olunub.

Tədbirin ikinci hissəsində isə İdarənin əməkdaşı Aysel Əliyeva tərəfindən təqdimatda çatdırılan mövzulardan hazırlanmış suallar üzrə şagirdlər arasında yarış keçirilib. Sonda qalib olan şagirdlərə Mərkəzi Bankın Naxçıvan MR İdarəsi tərəfindən hədiyyələr təqdim olunub.

#asset-95#asset-96#asset-97#asset-98

"Sığortanın həyatımızdakı önəmi" mövzusunda tədbir keçirilib

“Naxçıvan Muxtar Respublikasının sosial-iqtisadi inkişafına dair 2023–2027-ci illər üçün Dövlət Proqramı”da nəzərdə tutulmuş tədbirlərin icrası ilə bağlı Azərbaycan Respublikası Mərkəzi Bankının Naxçıvan Muxtar Respublikası İdarəsi və Naxçıvan Şəhər İcra Hakimiyyətinin birgə təşkilatçılığı ilə tədbir keçirilib.

"Maliyyə savadlılığı" layihəsi çərçivəsində baş tutan tədbir "Sığortanın həyatımızdakı önəmi" mövzusunda olub.

Tədbir oktyabr ayının 25-də Naxçıvan Şəhər İcra Hakimiyyətinin inzaibati binasında təşkil olunub. Tədbirdə İcra hakimiyyətinin orqanlarının nümayəndələri iştirak ediblər.

Naxçıvan Şəhər İcra Hakimiyyəti aparatının Ərazi idarəetmə və yerli özünüidarəetmə orqanları ilə iş şöbəsinin müdiri Şükür Babayev ictimai həyatın əksər sahələrində, o cümlədən, iqtisadiyyatın inkişafında sığortanın rolundan bəhs edib, maliyyə savadlılığının artırılmasının gündəlik həyatda və iş sahəsində daha məhsuldar olmağa şərait yaratdığını vurğulayıb.

Azərbaycan Respublikası Mərkəzi Bankının Naxçıvan Muxtar Respublikası İdarəsinin Maliyyə və sığorta bazarlarının fəaliyyətinə nəzarət şöbəsinin rəisi Azər Mədətov tədbirin maliyyə qərarlarının verilməsi üçün müvafiq bilik və bacarıqlarının artırılmasını hədəflədiyini bildirib, iştirakçılara sığortanın üstünlükləri və qazandırdığı dəyərlər barədə məlumat verib.

Sonra Azərbaycan Respublikası Mərkəzi Bankının Naxçıvan Muxtar Respublikası İdarəsinin əməkdaşları Aysel Əliyeva və Ceyhun İbrahimov sığorta sisteminin əsasları, müasir tendensiyalar, sığorta məhsullarını qiymətləndirməsi və müvafiq sahədə istehlakçı hüquqlarının daha yaxşı öyrənilməsi mövzularında ətraflı məlumat veriblər.

Diskussiya şəraitində keçirilən tədbirin davamında iştirakçıların sualları cavablandırılıb.

#asset-92#asset-93#asset-94

Mərkəzi Bankın Naxçıvan Muxtar Respublikası İdarəsi tərəfindən“30 gün yaşıl düşün” devizi altında silsilə tədbirlər keçirilib

Mərkəzi Bankın Naxçıvan Muxtar Respublikası İdarəsi tərəfindən “30 gün yaşıl düşün” devizi altında silsilə tədbirlərin keçirilib.

Belə ki, “Yaşıl ay” layihəsi çərçivəsində İdarə əməkdaşlarının Culfa rayonu ərazisində yerləşən Əlincə qalasına yürüşü təşkil edilib. Yürüş iştirakçıları tarixi qalanın zirvəsində Azərbaycan bayrağını dalğalandıraraq, xatirə fotosu çəkdiriblər.

Bu çərçivədə növbəti tədbir İdarədə enerji resurslarından səmərəli istifadə və enerji effektivliyi sahəsində vərdişləri formalaşdırmaq mövzusunda şöbələrarası təqdimat müsabiqəsinin keçirilməsi olub.
Struktur bölmələr tərəfindən hazırlanan təqdimatların nümayişindən sonra əməkdaşların səsverməsi keçirilərək ən yaxşı təqdimatlar müəyyənləşdirilib. Ən yaxşı təqdimatı hazırlayan şöbəyə İdarənin rəhbərliyi adından təşəkkürnamə təqdim olunub.

Silsilə təşəbbüslər çərçivəsində növbəti tədbir isə İdarə əməkdaşlarının azyaşlı övladlarının iştirakı ilə baş tutub. “Təbiəti bizim üçün qoruyun” mövzusunda olan yaradıcılıq müsabiqəsi həm uşaqları ekoloji sağlamlığa cəlb etmək, həm ətraf mühitin qorunmasını aşılamaq, həm də onları əyləndirmək məqsədilə təşkil edilib.
İdarədə baş tutan müsabiqədə uşaqlar rəsm, şeir, inşa, tullantı və ya köhnəlmiş materialların yenidən istifadəsi nəticəsində yeni, faydalı və dekorativ əşyaların yaradılmasında bacarıqlarını sınayıb.

Qeyd edək ki, Muxtar Respublikada fəaliyyət göstərən bank və sığorta şirkətlərinin filialları arasında “30 gün yaşıl düşün” devizi altında “Yaşıl ay” layihəsi davam edir.

#asset-85#asset-86#asset-87#asset-88#asset-89#asset-90

Naxçıvan: I Regional Sığorta Forumu

29 may 2024-cü il tarixində Azərbaycanda ilk dəfə Naxçıvan şəhərində "I Regional Sığorta Forumu" keçirilib.

Forum Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəliyi, Azərbaycan Respublikasının Mərkəzi Bankı və Azərbaycan Sığortaçılar Assosiasiyasının birgə təşkilatçılığı ilə baş tutub.

Naxçıvan Muxtar Respublikasının 100 illik yubileyinə həsr olunmuş forumun iştirakçıları əvvəlcə Ulu Öndər Heydər Əliyevin Naxçıvan şəhərindəki abidəsini ziyarət edərək əziz xatirəsini yad edib, Heydər Əliyev Muzeyi ilə tanış olublar.

Naxçıvan şəhərindəki “Gənclik” Mərkəzində öz işinə başlayan forumda Ümummilli Lider Heydər Əliyevin və şəhidlərimizin xatirəsi bir dəqiqəlik sükutla yad edilib, Azərbaycan Respublikasının Dövlət Himni səsləndirilib.

Daha sonra Mərkəzi Bankın Naxçıvan MR İdarəsi tərəfindən hazırlanmış Naxçıvan Muxtar Respublikasının yaranmasının 100 illiyinə həsr olunan videoçarx nümayiş etdirilib.

Forumda Naxçıvan Muxtar Respublikasında Azərbaycan Respublikası Prezidentinin Səlahiyyətli nümayəndəsi Fuad Nəcəfli çıxış edərək forumun əhəmiyyətinə toxunub, uğurlu bir layihə kimi dəyərləndirib. Səlahiyyətli nümayəndə sığorta sahəsində beynəlxalq təcrübələrin Naxçıvana gətirilməsinin zəruriliyini diqqətə çatdıraraq vurğulayıb ki, ötən il suverenliyini tam bərpa edən Azərbaycanda, o cümlədən Qarabağda genişmiqyaslı quruculuq işləri görülür. Sevindirici haldır ki, Naxçıvan Muxtar Respublikasına da bu sahədə böyük pay düşüb. Prezident İlham Əliyevin 5 iyun 2023-cü il tarixdə imzaladığı Sərəncamla təsdiq olunmuş “Naxçıvan Muxtar Respublikasının sosial-iqtisadi inkişafına dair 2023-2027-ci illər üçün Dövlət Proqramı” Azərbaycanda bir regionun inkişafı istiqamətində icra olunan ən böyükhəcmli sənəddir. Dövlət Proqramına əsasən muxtar respublikada mühüm infrastruktur layihələri icra olunur. Bu layihələrin icrasında yaranacaq sığorta risklərinin qarşısının alınmasında sığorta şirkətlərinin də üzərinə böyük öhdəlik düşür. Xüsusilə region üçün spesifik olan kənd təsərrüfatı, “yaşıl enerji” dəhlizi, inşaat, yol-nəqliyyat infrastrukturu və turizmin inkişafı istiqamətində yeni sığorta məhsullarının tətbiqinə böyük ehtiyac var.

Fuad Nəcəfli qeyd edib ki, muxtar respublikada infrastruktur layihələrinin reallaşdırılmasında xarici sığorta şirkətləri olduqca maraqlıdırlar. Lakin həmin şirkətlər sığorta məhsullarını yüksək qiymətlərlə təklif edirlər. Buna görə də yerli sığorta şirkətləri vətənpərvərlik və milli mənafelərimizi rəhbər tutaraq bu işlərin həyata keçirilməsində dəstək göstərməli, faydalı əməkdaşlığın qurulmasında maraqlı olmalıdır.

Səlahiyyətli nümayəndə qeyd edib ki, Azərbaycanın və onun ayrılmaz tərkib hissəsi olan Naxçıvan Muxtar Respublikasının gələcək inkişafında sığortanın rolu danılmazdır. Hazırda Naxçıvanda fəaliyyət göstərən şirkətlər daha çox klassik sığorta növlərinin təbliği və tətbiqinə üstünlük verirlər. Lakin günümüzün reallıqları yeni sığorta növlərinin tətbiqini və ictimai marağın təşkil olunmasını zəruri edir. Fuad Nəcəfli keçirilən forumu dövrün tələbinə uyğun yeni təkliflərin müzakirəsi, konkret hədəflərin müəyyənləşdirilməsi baxımından yüksək qiymətləndirib, forumun işinə uğurlar arzulayıb, təşkilatçılara təşəkkür edib.

Azərbaycan Respublikası Mərkəzi Bankının Baş direktoru Ziya Əliyev bildirib ki, sığorta iqtisadiyyatın ən dinamik inkişaf edən sektorlarından biridir. Sığortanın təməlində isə əhalinin və iş adamlarının risklərdən qorunması üzrə etibarlılıq əldə etməsidir. Azərbaycan Respublikası Mərkəzi Bankı tərəfindən sığorta sistemində yeni tənzimləmə və inkişaf strategiyası həyata keçirilir. Bunun nəticəsində də effektiv nəticələr əldə olunur. Naxçıvanda da sığorta sahəsində mühüm tənzimləmə mexanizmlərinə başlanıldığını deyən Ziya Əliyev qeyd edib ki, ilk dəfə bu il sentyabr ayında muxtar respublikada sığorta maarifləndirilməsi sahəsində geniş bir layihəyə start veriləcək. İlk dəfə Naxçıvanda Sığorta festivalı təşkil olunacaq. Həm Naxçıvan mediasında, həm ənənəvi kütləvi informasiya vasitələrində, həm də sosial mediada sığorta sahəsində intensiv şəkildə maarifləndirmə tədbirləri aparılacaq.

İcbari Sığorta Bürosunun İcraçı direktoru Rəşad Əhmədov ötən illərdə Naxçıvanda sığorta sektorunda tənzimləmə mexanizmi sahəsində qeydə alınan problemlərdən bəhs edib. Bildirib ki, 2011-ci ildən İcbari Sığorta Bürosu qarantiya fondu kimi vətəndaşlara dəymiş ziyanı kompensasiya edir. Büroya daxil olan şikayətlərin 80 faizi icbari avtomobil sığortası ilə bağlıdır. Bu baxımdan ötən il vətəndaşlara, təqribən, 1,5 milyona yaxın sığorta şəhadətnaməsi təqdim edilib, 70 minə yaxın sığorta ödənişi həyata keçirilib. Bu da, ümumilikdə, 75-80 milyon manata yaxın sığorta ödənişlərinin həyata keçirilməsi deməkdir. Bu illər ərzində büroya Naxçıvandan heç bir müraciət daxil olmayıb. Minlərlə vətəndaşımız vəfat edən şəxslərin vərəsələri kimi icbari sığorta tərəfindən kompensasiya ödənişi alsa da, bu, Naxçıvanda baş tutmayıb. Artıq Naxçıvan Muxtar Respublikasında bir çox sığorta şirkətinin nümayəndəlikləri var və istənilən sığorta şirkətinin nümayəndəliyinə müraciət edərək ölüm və yaxud bədən xəsarətlərinə dair 2010-cu ildən bəri baş vermiş hadisələrlə bağlı müraciət əsasında kompensasiya ödənişlərinin edilməsi mümkündür.

Azərbaycan Sığortaçılar Assosiasiyasının İcraçı direktoru Elmar Mirsalayev forumun təşkilində göstərilən dəstəyə görə təşəkkür edib, ilk forumun 100 illik yubileyi qeyd edilən Naxçıvan Muxtar Respublikasında keçirilməsinin xüsusi əhəmiyyətini vurğulayıb. Vurğulayıb ki, son illər Azərbaycanda sığorta sektoru maliyyə bazarının inkişafında aktiv rol oynayıb. Peşəkar sığorta bazarı iştirakçıları olaraq başlıca hədəf və məqsəd bu inkişafın davamlılığını təmin etməkdir. Azərbaycan Mərkəzi Bankının sığortanın inkişafı üçün atdığı dəstəkləyici addımlar, həyata keçirilən fundamental əhəmiyyətli islahatlar Naxçıvanda da etibarlı sığorta sektorunun formalaşmasına və davamlı inkişafına zəmin yaradacaq.

Azərbaycan Respublikası Mərkəzi Bankının Naxçıvan Muxtar Respublikası İdarəsinin sədri Elçin Əliyev forumda müzakirə ediləcək məsələlərin əhəmiyyətinə toxunub, effektiv nəticələrin əldə olunacağına əminliyini ifadə edib. Elçin Əliyev qeyd edib ki, Naxçıvan modern inkişafının yeni dövrünü yaşayır. Muxtar respublikanın sosial-iqtisadi inkişafını hədəf alan Dövlət Proqramının icrası bank və sığorta sferalarında da mühüm nəticələrin əldə olunmasına rəvac verir. “Naxçıvan Muxtar Respublikasının sosial-iqtisadi inkişafına dair 2023-2027-ci illər üçün Dövlət Proqramı”nda bank və sığorta filialları şəbəkəsinin genişləndirilməsi nəzərdə tutulub. Ölkədə fəaliyyət göstərən bankların və bank olmayan kredit təşkilatlarının Naxçıvan Muxtar Respublikasında da filiallarının açılması ilə əhalinin, o cümlədən sahibkarların bank xidmətlərinə çıxışı asanlaşır. Əvvəllər Naxçıvanda 1 özəl sığorta şirkəti fəaliyyət göstərirdisə, bu gün 5 sığorta şirkəti Naxçıvanda təmsil olunur. Qarşıda duran əsas hədəf fəaliyyəti yeni tələblərə uyğun genişləndirməkdir.

Forum çərçivəsində Naxçıvan Muxtar Respublikasında nümayəndəliyi fəaliyyət göstərən sığorta şirkətlərinin iştirakı ilə “Sığortada hadisələrin tənzimlənməsi”, “Risklərin idarə edilməsində sığortanın rolu: Niyə sığortalanmalıyıq?”, “Regionun riskləri: Hansı sığorta növlərinə müraciət edilməlidir?”, “Həyat riskləri və həyat sığortaları: Necə faydalanmaq olar?” və “Sığorta xidmətlərinə əlçatanlıqda elektron vasitələrin yaratdığı üstünlüklər” mövzularında panel müzakirələr təşkil olunub.

#asset-75#asset-76#asset-77#asset-78

“Yaşıl dünya naminə həmrəylik ili” çərçivəsində Naxçıvan Muxtar Respublikasının 100 illiyinə həsr olunan tədbir keçirilib

Azərbaycan Respublikası Prezidentinin 2023-cü il 25 dekabr tarixli Sərəncamı ilə Azərbaycan Respublikasında 2024-cü ilin “Yaşıl dünya naminə həmrəylik ili” elan edilməsi ilə əlaqədar olaraq Mərkəzi Bankın Naxçıvan MR İdarəsi tərəfindən "Yaşıl dünya naminə bankçılıq" mövzusunda maarifləndirici tədbir keçirilib.
Naxçıvan Muxtar Respublikasının 100 illiyinə həsr olunan tədbir aprel ayının 19-da Gənclər Mərkəzində təşkil olunub. Tədbirdə təhsil sektorunun əməkdaşları, təhsil işçiləri və müəllimlər iştirak ediblər.
Görüşdə dövrümüzün əsas çağırışlarından olan ekoloji risklərlə bağlı məlumatlılığın artırılması, eləcə də beynəlxalq həmrəyliyin gücləndirilməsi məqsədilə bank sektorunda da atıla biləcək addımlardan bəhs edilib. Ölkəmizdə təbiətin mühafizəsi və ekoloji balansın qorunması istiqamətində həyata keçirilən təşəbbüslərin, eləcə də nağdsız cəmiyyətə keçidin əhəmiyyəti vurğulanıb.

Tədbirdə Mərkəzi Bankın Naxçıvan MR İdarəsinin şöbə rəisi Vüqar Məmmədzadə və əməkdaşı Mərhəmət Bayramov tərəfindən yeni innovativ bankçılıq, kart dələduzluq hallarının qarşısının alınması, nağdsız ödənişlərin istifadəsinə üstünlük verilməsi və s. mövzularla bağlı təqdimat keçirilib. Həmçinin iştirakçıların mövzu ətrafında sualları ətraflı cavablandırılıb.

Eyni zamanda tədbir iştirakçıları Azərbaycan Respublikası Mərkəzi Bankına məxsus Maliyyə savadlılığı portalı və müvafiq resurslar barədə məlumatlandırılıb.

#asset-71#asset-72#asset-73

“Ziraat bank Azərbaycan” ASC-nin idarə heyətinin sədrilə Naxçıvanda görüş

Azərbacan Respublikası Mərkəzi Bankının Naxçıvan Muxtar Respublikası İdarəsində Türkiyə Cümhuriyyətinin Naxçıvan şəhərindəki baş konsulu cənab Asip Kaya, “Ziraat bank Azərbaycan” ASC-nin idarə heyətinin sədri cənab Selçuk Demir və onun rəhbərlik etdiyi nümayəndə heyəti ilə görüş keçirilib.

Görüşdə muxtar respublikanın bank sektoru haqqında qonaqlar məlumatlandırılmaqla yanaşı, gələcək əməkdaşlıq perspektivləri də müzakirə edilib.

Xüsusilə, “Naxçıvan Muxtar Respublikasının sosial iqtisadi inkişafına dair 2023-2027-ci illər üçün Dövlət Proqramı”-dan irəli gələn məsələlərdən biri kimi muxtar respublikada bankların əhatə dairəsinin genişləndirilməsinin vacibliyi və bu istiqamətdə görüləcək işlər barədə səmərəli görüş baş tutub.

#asset-64#asset-65#asset-66

Əlaqə nömrəsi

İdarənin (036) 550 59 10 nömrəsi ilə əlaqə saxlanılır

Xəritə