Azərbaycan Respublikasının Mərkəzi Bankı

Tədbirlər

2023

Mərkəzi Bankın tövsiyəsi əsasında Azərbaycan Banklar Assosiasiyasında maliyyə xidmətləri istehlakçılarının hüquqlarının müdafiəsi sahəsində İşçi Qrupun yaradılması haqqında

Vətəndaş müraciətləri Mərkəzi Bank tərəfindən daim diqqət mərkəzində saxlanılır və bu istiqamətdə maliyyə xidmətləri istehlakçılarının hüquqlarının müdafiəsi sektorunda təkmilləşdirmə işlərinin aparılması davam etməkdədir. Bu məqsədlə görülmüş növbəti iş Mərkəzi Bankın tövsiyəsi əsasında Azərbaycan Banklar Assosiasiyasında (ABA) maliyyə xidmətləri istehlakçılarının hüquqlarının müdafiəsi sahəsində İşçi Qrupun yaradılmasıdır. İşçi qrupun yaradılması istehlakçıların hüquqlarının qorunması sahəsində birgə müzakirələrin aparılması, səmərəliliyin artırılması, pozulmuş hüquqların bərpa edilməsi, o cümlədən mübahisələrin operativ və effektiv həll edilməsi işinin gücləndirilməsinə xidmət edir.

Mərkəzi Bankın tövsiyəsi əsasında Azərbaycan Mikromaliyyə Assosiasiyasında maliyyə xidmətləri istehlakçılarının hüquqlarının müdafiəsi sahəsində İşçi Qrupu yaradılması haqqında

Vətəndaş müraciətləri Mərkəzi Bank tərəfindən daim diqqət mərkəzində saxlanılır və bu istiqamətdə maliyyə xidmətləri istehlakçılarının hüquqlarının müdafiəsi sektorunda təkmilləşdirmə işlərinin aparılması davam etməkdədir. Bu məqsədlə görülmüş növbəti iş Mərkəzi Bankın tövsiyəsi əsasında Azərbaycan Mikromaliyyə Assosiasiyasında (AMFA) maliyyə xidmətləri istehlakçılarının hüquqlarının müdafiəsi sahəsində İşçi Qrupun yaradılmasıdır. İşçi Qrupun yaradılması istehlakçıların hüquqlarının qorunması sahəsində birgə müzakirələrin aparılması, səmərəliliyin artırılması, pozulmuş hüquqların bərpa edilməsi, o cümlədən mübahisələrin operativ və effektiv həll edilməsi işinin gücləndirilməsinə xidmət edir.

Azərbaycan Respublikasının Mərkəzi Bankı və Azərbaycan Banklar Assosiasiyasının nümayəndələrinin Əlil Təşkilatları İttifaqı ilə görüş keçirilmişdir

Ölkənin maliyyə tənzimləyici qurumu olaraq əlilliyi olan şəxslərə bank xidmətləri göstərərkən ayrı-seçkiliyə yol verilməməsi istiqamətində müvafiq tədbirlərin həyata keçirilməsi Mərkəzi Bankın diqqət mərkəzində duran məsələdir. Mərkəzi Bank tərəfindən bu kateqoriyadan olan bank xidmətləri istehlakçılarına göstərilən xidmətləri təkmilləşdirmək və ayrı-seçkiliyə yol verməmək məqsədilə mütəmadi görüşlər keçirilir və monitorinqlər təşkil olunur.

Bu istiqamətdə görülmüş işlər və aktual məsələlərin müzakirə olunması məqsədilə 14.02.2023-cü il tarixdə Mərkəzi Bank və ABA nümayəndələrinin birgə iştirakı ilə Azərbaycan Respublikası Əlil Təşkilatları İttifaqı (ƏTİ) ilə görüş keçirilmişdir.

Əlilliyin dərki istiqamətində ƏTİ tərəfindən təlimlərin keçirilməsi və maarifləndirmə işlərinin aparılması, həmçinin əlil statusuna malik olan şəxslərə xidmətin göstərilməsi zamanı əlçatanlığın təmin olunması məqsədilə kredit təşkilatlarına lazımi avandanlıqlar və infrastrukturlarla bağlı layihələrin verilməsi ilə bağlı təkliflər səsləndirmişdir.

Azərbaycan Respublikasının Mərkəzi Bankında İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti ilə görüş keçirilmişdir

Azərbaycan Respublikasının Mərkəzi Bankında İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti ilə görüş təşkil edilmişdir. Görüşdə iki qurum arasında istehlakçıların hüquqlarının müdafiəsi istiqamətində əməkdaşlığın aparılmasının daha operativ həyata keçirilməsi üçün geniş müzakirələr aparıldı. O cümlədən kapital bazarları sahəsində investorların maarifləndirilməsi istiqamətində də fikir mübadiləsi aparılmışdır.

Sosial həssas əhali qrupu olan şəxslərə bank xidmətləri göstərərkən ayrı-seçkiliyə yol verilməməsi istiqamətində görülən müvafiq tədbirlərlə bağlı

Məlum olduğu kimi əlilliyi olan şəxslərə bank xidmətləri göstərərkən ayrı-seçkiliyə yol verilməməsi istiqamətində Azərbaycan Respublikasının Mərkəzi Bankı (Mərkəzi Bank) tərəfindən müvafiq tədbirlər görülməkdədir. Belə tədbirlərdən biri də Mərkəzi Bankın tövsiyəsi nəzərə alınmaqla, Azərbaycan Banklar Assosiasiyası (Assosiasiya) tərəfindən "Əlilliyi olan şəxslərə münasibətdə xüsusi yanaşmanın formalaşdırılması və təkmilləşdirilməsi üzrə" İşçi Qrupunun yaradılması olmuşdur. Qeyd edək ki, İşçi Qrupunda bütün banklar təmsil olunur. İşçi Qrupunun əsas məqsədi bu kateqoriyadan olan bank xidmətləri istehlakçılarına göstərilən xidmətləri təkmilləşdirmək və heç bir halda ayrı-seçkiliyə yol verməməkdir. Qeyd olunan məsələ ilə əlaqədar Mərkəzi Bank, Assosiasiya və İşçi Qrupun iştirakı ilə mütəmadi görüşlər keçirilir və əlilliyi müəyyən edilmiş şəxslərə qarşı ayrı-seçkiliyə yol verilməməsi ilə bağlı bütün lazımi tədbirlərin görülməsi, eləcə də onlara göstərilən xidmət səviyyəsinin artırılması mövzularında birgə müzakirələr aparılır. Ölkənin maliyyə tənzimləyici qurumu kimi, sosial həssas əhali qrupu olan əlilliyi olan şəxslərin maliyyə xidmətlərinə maneəsiz çıxışının təmin olunmasını Mərkəzi Bank daimi əsasda diqqət mərkəzində saxlayır.

Regionlarda vətəndaş qəbulunun təşkili

Mərkəzi Bank tərəfindən bölgələrdə yaşayan və nəzarət subyektləri ilə narazılıqları yaranan maliyyə xidmətləri istehlakçılarının (istehlakçılar) Mərkəzi Bankın Bakı şəhərində yerləşən inzibati binasına yaxınlaşmadan müraciət etmək imkanının yaradılması və istehlakçı məmnuniyyətinin yüksəldilməsi məqsədi ilə istehlakçıların qəbulunun Mərkəzi Bankın Sumqayıt və Yevlax şəhərlərində yerləşən ehtiyat mərkəzlərində də həyata keçirilməsi təmin olunmuşdur. İstehlakçılar aidiyyəti üzrə Mərkəzi Bankın Sumqayıt Ehtiyat Mərkəzi (Sumqayıt şəhəri, 40-cı məhəllə, C.Cabbarlı küçəsi 1) və Yevlax Ehtiyat Mərkəzinə (Yevlax şəhəri, H.Əliyev prospekti 82) yaxınlaşmaqla müraciətlərini ünvanlaya bilərlər.

Yeni sığorta şəhadətnaməsi məzmununda vətəndaşların hüquqlarının pozulduğu halında Mərkəzi Banka müraciət edə bilməsi üçün ştrix-kod yerləşdirilmişdir

Azərbaycan Respublikası Mərkəzi Bankının İdarə Heyətinin 28 dekabr 2022-ci il tarixli 60/4 nömrəli Qərarı ilə “Avtonəqliyyat vasitəsi sahiblərinin mülki məsuliyyətinin icbari sığortası üzrə icbari sığorta şəhadətnaməsinin forması və məzmununa dair Tələblər” təsdiq edilmişdir. Avtonəqliyyat vasitəsi sahiblərinin mülki məsuliyyətinin icbari sığortası üzrə icbari sığorta şəhadətnaməsinin məzmununda sığortalı və ya sığorta olunan həmin şəhadətnamə üzrə hüquqlarının pozulduğunu hesab etdiyi hallarda Mərkəzi Banka onlayn qaydada müraciət etmək üçün internet səhifəsinə yönləndirən müvafiq ştrix-kod yerləşdirilmişdir.

2022

Mərkəzi Bank “İstehlakçıların hüquqlarının qorunması sahəsində inzibati orqanların səlahiyyət bölgüsü” mövzusunda tədbirdə iştirak etmişdir

Azərbaycan Respublikasının Mərkəzi Bankı istehlakçıların hüquqlarının qorunması, həmçinin vətəndaşlara daha yaxşı xidmət göstərmək üçün daim müxtəlif yerli və beynəlxalq tədbirlərdə iştirak edir. Bu tədbirlərdə iştirak etməkdə əsas məqsəd vətəndaşlara göstərilən xidmətlərin keyfiyyətini daim artan istiqamətdə qoruyub saxlamaqdır. Bu baxımdan Mərkəzi Bank 15.12.2022-ci il tarixdə Azərbaycan Respublikasının İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin “İstehlakçıların hüquqlarının qorunması sahəsində inzibati orqanların səlahiyyət bölgüsü” mövzusunda tədbirdə iştirak etmişdir.

Mərkəzi Bankın əməkdaşlarının iştirakçısı olduğu bu tədbirdə iştirak edən digər qurumlarla birlikdə “İstehlakçılarla iş” üzrə müxtəlif diskussiyalar aparılmış və bu sahədə olan aktual mövzular müzakirə edilmişdir.

Mərkəzi Bankın nəzarət subyektləri ilə görüşlər

Azərbaycan Respublikasının Mərkəzi Bankı vaxtaşırı olaraq səlahiyyəti daxilində öz nəzarətində olan subyektlərlə görüşlər keçirir və maliyyə xidmətləri istehlakçılarına daha yaxşı xidmət göstərilməsi üçün onlarla birlikdə müzakirələr aparır. Belə görüşlər silsiləsi 2022-ci ilin dekabr ayında da həyata keçirilmişdir. Belə ki, Mərkəzi Bank müvafiq ay ərzində nəzarət subyektləri ilə, yəni kredit təşkilatları (banklar, bank olmayan kredit təşkilatları) və sığortaçılarla görüşlər keçirib. Keçirilmiş görüşlərdə nəzarət subyektləri ilə ilin yekununa dair müzakirələr aparılmış, xidmət göstərilən sahələrin daha da optimallaşması və təkmilləşməsi ilə bağlı təkliflər dinlənilmiş və atılacaq növbəti addımlar müzakirə edilmişdir.

Regionlarda vətəndaş qəbulunun təşkili

Mərkəzi Bank tərəfindən bölgələrdə yaşayan və nəzarət subyektləri ilə narazılıqları yaranan maliyyə xidmətləri istehlakçılarının (istehlakçılar) Mərkəzi Bankın Bakı şəhərində yerləşən inzibati binasına yaxınlaşmadan müraciət etmək imkanının yaradılması və istehlakçı məmnuniyyətinin yüksəldilməsi məqsədi ilə istehlakçıların qəbulunun Mərkəzi Bankın Quba, Biləsuvar və Gəncə şəhərlərində yerləşən regional mərkəzlərində də həyata keçirilməsi təmin olunmuşdur. İstehlakçılar aidiyyəti üzrə Mərkəzi Bankın Quba Regional Mərkəzi (Quba şəh., H.Əliyev pr. 219B), Biləsuvar Regional Mərkəzi (Biləsuvar şəh., H.Əliyev küç. 2B) və Gəncə Regional Mərkəzinə (Gəncə şəh., Nizami pr. 204) yaxınlaşmaqla müraciətlərini ünvanlaya bilərlər.

Mərkəzi Bank tərəfindən bölgələrdə yaşayan və nəzarət subyektləri ilə narazılıqları yaranan maliyyə xidmətləri istehlakçılarının (istehlakçılar) Mərkəzi Bankın Bakı şəhərində yerləşən inzibati binasına yaxınlaşmadan müraciət etmək imkanının yaradılması və istehlakçı məmnuniyyətinin yüksəldilməsi məqsədi ilə istehlakçıların qəbulunun Mərkəzi Bankın Sumqayıt və Yevlax şəhərlərində yerləşən ehtiyat mərkəzlərində də həyata keçirilməsi təmin olunmuşdur. İstehlakçılar aidiyyəti üzrə Mərkəzi Bankın Sumqayıt Ehtiyat Mərkəzi (Sumqayıt şəhəri, 40-cı məhəllə, C.Cabbarlı küçəsi 1) və Yevlax Ehtiyat Mərkəzinə (Yevlax şəhəri, H.Əliyev prospekti 82) yaxınlaşmaqla müraciətlərini ünvanlaya bilərlər.

Mərkəzi Bankla Qazaxıstan Respublikasının Maliyyə Bazarının Tənzimlənməsi və İnkişafı Agentliyi ilə görüş

Mərkəzi Bankla Qazaxıstan Respublikasının Maliyyə Bazarının Tənzimlənməsi və İnkişafı Agentliyi ilə 16 noyabr 2022-ci il tarixində virtual görüş keçirilmişdir. Görüşdə maliyyə xidmətləri istehlakçılarının hüquqlarının müdafiəsi istiqamətində sahənin inkişafı ilə bağlı təcrübə mübadiləsi aparılmış, bu istiqamətdə əməkdaşlığın davam etdirilməsinin prespektivləri müzakirə edilmişdir.

Dünya Bankı ilə görüş

Maliyyə Sektorunun Modernləşdirilməsi Layihəsi 2 (FSMP2) çərçivəsində Dünya Bankının “Maliyyə xidmətləri istehlakçılarının müdafiəsi” üzrə diaqnostik Missiyasının Bakıya səfəri zamanı 11 noyabr 2022-ci il tarixində Mərkəzi Bankda görüş keçirilmiş, maliyyə xidmətləri istehlakçılarının hüquqlarının müdafiəsi istiqamətində sahənin inkişafı ilə əlaqədar olaraq Mərkəzi Bank tərəfindən görülmüş işlər və əlavə təşəbbüslər barədə müzakirələr aparılmışdır.

ABA AMFA ASA ilə görüş

Əlilliyi olan vətəndaşların maliyyə xidmətlərinə çıxış imkanlarının genişləndirilməsinə dair birgə əmkdaşlıq məqsədi ilə 02 və 04 noyabr 2022-ci il tarixlərində Mərkəzi Bankda Azərbaycan Banklar Assosiasiyası (ABA), Azərbaycan Mikromaliyyə Assosiasiyası (AMFA) və Azərbaycan Sığortaçılar Assosiasiyası (ASA) ilə görüşlər keçirilmişdir.

Görüşün nəticəsi olaraq qabaqcıl dünya praktikası, eləcə də beynəlxalq təşkilatların sənədləri və tövsiyələri nəzərə alınmaqla əlillərin maliyyə xidmətlərindən maneəsiz istifadə etməsini təmin etmək məqsədi ilə birgə işin təşkili və bu istiqamətdə işlərin görülməsi barədə müzakirələr aparılmışdır.

“Şikayət indeksi” nə dair hesabat

Avto-icbari sığorta sahəsində istehlakçıların məlumatlığının və sığortaçıların istehlakçılara münasibətdə ədalətli davranışının yüksəldilməsi məqsədilə bu sahədə Mərkəzi Banka daxil olan şikayətlər üzrə hesablanan “şikayət indeksi”nin ictimaiyyətə açıqlanması qərara alınmışdır. İndeksin aylıq əsasda yayımlanması nəzərdə tutulmuşdur. Bu barədə məlumat hər ayın 10-dək İstehlakçılar və investorların hüquqları bölməsində “avto-icbari sığorta üzrə şikayət indeksi” alt bölməsində əks olunacaqdır.

“Maliyyə institutlarında istehlakçıların şikayətlərinə baxılmasına” dair Metodoloji Rəhbərlik

Maliyyə xidmətləri bazarında istehlakçıların hüquqlarının qorunması ilə bağlı qabaqcıl beynəlxalq təcrübələr nəzərə alınmaqla istehlakçıların hüquqlarının qorunması mexanizmlərinin səmərəliliyinin artırılması, o cümlədən mübahisələrin operativ və effektiv həll edilməsi işinin gücləndirilməsi məqsədilə “Maliyyə institutlarında istehlakçıların şikayətlərinə baxılmasına” dair Metodoloji Rəhbərlik hazırlanmış və Azərbaycan Respublikası Mərkəzi Bankının İdarə Heyətinin “15” mart 2022-ci il tarixli qərarı ilə təsdiq edilmişdir.

Metodoloji Rəhbərlik banklar, xarici bankların yerli filialları, bank olmayan kredit təşkilatları, sığortaçılar və investisiya şirkətləri tərəfindən şikayətlərə baxılmasına dair Azərbaycan Respublikasının Mərkəzi Bankının metodoloji tövsiyələrini müəyyən edir.

Qeyd edilən Metodoloji Rəhbərliklə https://www.cbar.az/law-371/methodological-guideline-on-handling-of-consumer-appeals-in-financial-institutions səhifəsinə keçid etməklə tanış ola bilərsiniz.

"Qeyri-bank maliyyələşməsi və alternativ maliyyə alətlərinin inkişafı" layihəsinin icrası ilə əlaqədar Asiya İnkişaf Bankı ilə görüş

Maliyyə xidmətləri istehlakçılarının hüquqlarının müdafiəsi sektorunda təkmilləşdirmə işlərinin aparılması davam etməkdədir və bu məqsədlə Asiya İnkişaf Bankı tərəfindən texniki yardım çərçivəsində “Qeyri-bank maliyyələşməsi və alternativ maliyyə alətlərinin inkişafı" layihəsinin icrası ilə əlaqədar olaraq maliyyə xidmətləri istehlakçılarının hüquqlarının müdafiəsi və maliyyə savadlılığı ilə bağlı mövzuların müzakirəsi üçün Mərkəzi Bankda müvafiq departamentlərlə görüşlər keçirilmişdir. Bundan əlavə, mövcud sahə ilə bağlı təcrübə mübadiləsinin aparılması və görülən işlər barədə məlumat verilməsi üçün Antiinhisar və İstehlak Bazarına Nəzarət Dövlət Xidməti, Azərbaycan Banklar Assosiasiyası (ABA), Bank Ombudsmanı, Azərbaycan Mikromaliyyə Assosiasiyası (AMFA) və bir sıra kredit təşkilatları ilə görüşlər baş tutmuşdur.

"966" qaynar xətti barədə məlumat lövhələrinin yerləşdirilməsi

Maliyyə xidmətləri istehlakçılarının qarşılaşdığı suallar və problemlər barəsində məlumat əldə etməsi, həmçinin sorğu və şikayətlərini bildirməsi üçün əlçatanlığın təmin edilməsi Mərkəzi Bankın diqqət mərkəzində olan məsələlərindəndir. Bu məqsədlə “ASAN xidmət” və “ASAN Kommunal” mərkəzlərinin daxilində (Bakı şəhəri və bölgələr üzrə) sığorta və bank xidmətləri göstərilən ofislərdə “966” qaynar xətti barəsində vətəndaşların diqqətini cəlb edən yerlərdə məlumat lövhəsinin yerləşdirilməsi üçün Mərkəzi Bank tərəfindən həmin təşkilatlara müraciət edilmiş və qeyd edilən məlumat lövhələrinin yerləşdirilməsi təmin edilmişdir.

İtaliya Bankı ilə təcrübə mübadiləsi

Maliyyə xidmətləri istehlakçılarının hüquqlarının müdafiəsi sektorunda mövcud vəziyyətin qiymətləndirilməsi və bu sektorun inkişafına dəstək olmaq üçün beynəlxalq təcrübələrdən istifadə edilməsi Mərkəzi Bankın prioritet məsələlərindəndir. Bu istiqamətdə İtaliya Bankı Azərbaycan Respublikası Mərkəzi Bankı ilə birlikdə maliyyə xidmətləri istehlakçılarının hüquqlarının müdafiəsi və bazar davranışı üzrə normativ hüquqi bazanın gücləndirilməsinə dəstək məqsədilə təcrübə mübadiləsi həyata keçirmişdir. 09.09.2022-ci il tarixində İtaliya Bankı ilə keçirilmiş görüşdə Maliyyə ombudsmanı, o cümlədən, istehlakçılar və kredit təşkilatları arasında bank və maliyyə əməliyyatları ilə bağlı mübahisələr üçün alternativ mübahisələrin həlli yolları müzakirə olunmuşdur.

İstehlakçıların hüquqlarının müdafiəsi Mərkəzin Bankın daim diqqət mərkəzində olduğundan bu istiqamətdə davamlı işlər görülməkdədir.

Mərkəzi Bankda vətəndaş qəbulu xidmətinin daha effektiv təşkili məqsədilə onlayn növbə sistemi yaradılmışdır

26 avqust 2022-ci il, Bakı: Azərbaycan Respublikasının Mərkəzi Bankı tərəfindən maliyyə xidmətləri istehlakçılarının hüquqlarının müdafiəsi və onların pozulması hallarının qarşısının alınması məqsədilə davamlı olaraq müvafiq tədbirlər həyata keçirilməkdədir. Bu məqsədlə Mərkəzi Bankın Bakı şəhəri Bülbül prospekti 27 ünvanında yerləşən inzibati binasında hüquqi və fiziki şəxslərdən daxil olan müraciətlərə yerində baxılması üçün müvafiq xidmət təşkil olunmuş, həmçinin şifahi müraciətlərin davamlı olaraq qəbul edilməsi üçün yaradılmış “966” nömrəli Qaynar xətt fəaliyyət göstərməkdədir. Eyni zamanda, Mərkəzi Bankın inzibati binasında təşkil olunan qəbul otaqlarında vətəndaşların təyin olunan xidmət personalına birbaşa yönləndirilməsi, sorğuya aidiyyəti üzrə baxılması və tələb olunan məlumatların dərhal təqdim edilməsi kimi xidmətlərin daha effektiv təşkili və vətəndaş məmnunluğunun yüksəldilməsi məqsədilə Növbənin İdarəetmə Sistemi yaradılmış və hazırda istifadə olunmaqdadır.

Vətəndaşlara göstərilən xidmətlərin keyfiyyətinin artırılması fonunda inzibati binaya yaxınlaşan vətəndaşların qəbulu zamanı növbələrin Növbənin İdarəetmə Sistemi vasitəsilə tənzimlənməsi ilə yanaşı, növbənin Mərkəzi Bankın inzibati binasına gəlmədən müvafiq internet səhifəsi vasitəsilə onlayn şəkildə əldə edilməsi imkanı yaradılmışdır. Təqdim olunan rəqəmsal xidmətdən faydalanmaq üçün vətəndaşlar Mərkəzi Bankın rəsmi internet səhifəsindəki “Elektron xidmətlər portalı” vasitəsilə və ya https://randevu.e-cbar.az/home səhifəsinə keçid edərək onlayn növbə əldə edə bilərlər.

Onlayn növbənin əldə edilməsi ilə bağlı hər hansı bir sual yarandığı təqdirdə vətəndaşlar Mərkəzi Bankın “966” Qaynar xəttinə müraciət edə bilərlər.

Maliyyə xidmətləri istehlakçılarının hüquqlarının qorunması və bu xüsusda müvafiq tədbirlərin həyata keçirilməsi gələcəkdə də Mərkəzi Bankın diqqət mərkəzində saxlanılacaqdır.

Neftçala İcra Hakimiyyəti və səhmdarlarla görüş

Azərbaycan Respublikası Prezidentinin 28 noyabr 2019-cu il tarixli “Maliyyə xidmətləri bazarında tənzimləmə və nəzarət sisteminin idarəedilməsinin təkmilləşdirilməsi haqqında” Sərəncamına müvafiq olaraq maliyyə bazarlarına nəzarət orqanının müəyyən edilmiş səlahiyyətləri, o cümlədən investorların və maliyyə xidmətləri istehlakçılarının hüquqlarının qorunması sahəsində vəzifə və hüquqları Azərbaycan Respublikasının Mərkəzi Bankına həvalə edilmişdir. Bu məqsədlə Mərkəzi Bank tərəfindən bir çox tədbirlər həyəta keçirilmişdir.

Belə tədbirlərdən biri kimi Neftçala Rayon İcra Hakimiyyətinin dəstəyi ilə 22 fevral 2022-ci il tarixində Neftçala rayonunda fəaliyyət göstərən bir neçə səhmdar cəmiyyətləri ilə onlayn qaydada görüşün keçirilməsini qeyd etmək olar.

Təşkil olunan görüşdə tərəfimizdən iştirak edən səhmdar cəmiyyətlərində korporativ idarəetmənin təkmilləşdirilməsi, emitentlərin illik hesabatlarının qanunvericilikdə nəzərdə tutulmuş qaydada tərtib edilməsi, səhmdarların ümumi yığıncaqlarının çağırılması və cəmiyyətlərin fəaliyyətinin qanunvericiliyə uyğun həyata keçirilməsi istiqamətində maarifləndirmə işləri aparılmışdır.

Qanunun və sərəncamın tələblərini nəzərə alaraq Mərkəzi Bank tərəfindən səhmdarların hüquqlarının qorunması məqsədi ilə müxtəlif tədbirlər keçirilməkdədir.

İstehlakçı hüquqlarının qorunması istiqamətində verilən tapşırıqlar

Nəzarət subyektləri tərəfindən təqdim edilən hesabatlılığın təkmilləşdirilməsi və vətəndaş məmnunluğunun genişləndirilməsi məqsədi ilə əlavə maarifləndirmə tədbirlərinin həyata keçirilməsi üçün bank, bank olmayan kredit təşkilatı, sığorta şirkəti və səhmdar cəmiyyətləri nümayəndələri ilə görüşlər təşkil olunaraq onlara istehlakçı hüquqlarının qorunması istiqamətində tapşırıqlar verilmişdir. Görüşlər zamanı qeyd olunan sahədə mövcud problemlər müzakirə olunmuş, onların həlli ilə bağlı istiqamət verilmiş, həmçinin nəzarət subyektləri tərəfindən müvafiq məsələlərin həlli ilə bağlı verilən təkliflər dinlənilmişdir.

Vətəndaş qəbulu ilə bağlı məmnuniyyət səviyyəsinin ölçülməsi

Mərkəzi Bankın Bülbül prospekti 27 ünvanında yerləşən inzibati binasında ayrılmış xüsusi “Qəbul otağı”nda vətəndaşların yerində qəbulu həyata keçirilməkdədir. Vətəndaşların mövcud sistem və qəbul prosesi barəsində təəssüratlarının öyrənilməsi, onların məmnuniyyət səviyyəsinin ölçülməsi, həmçinin müvafiq struktur bölmənin vətəndaş qəbulu ilə bağlı fəaliyyətinin təhlili və dəyərləndirilməsi məqsədi ilə “Qəbul otağı”nda mövcud olan vətəndaş qəbulu üçün ayrılmış masalarda qeyd olunan istiqamətdə sualların cavablandırılması üçün vətəndaşların skan edə biləcəyi “QR-kod” yerləşdirilmişdir.

Əmanətlərin Sığortalanması Fondu ilə görüş keçirilmişdir

Vətəndaş müraciətləri Mərkəzi Bank tərəfindən daim diqqət mərkəzində saxlanılır. Müraciətlərə baxılmasının daha operativ aparılması məqsədilə Mərkəzi Bank tərəfindən müvafiq tədbirlər həyata keçirilməkdədir. Ləğv prosesində olan banklarla bağlı müraciətlərin daha sürətli araşdırılması üçün ADİF-lə bağlı görüş keçirilmiş, qeyd edilən istiqamətdə müzakirələr aparılmışdır.

Asiya İnkişaf Bankı ilə növbəti görüş keçirilmişdir

Məlum olduğu kimi maliyyə xidmətləri istehlakçılarının hüquqlarının müdafiəsi ilə bağlı qanunvericilik və bu sektorun inkişafına dəstək olmaq üçün beynəlxalq təcrübələrdən istifadə edilməsi məsələlərinin müzakirə olunması məqsədilə 23 iyul 2021-ci il tarixində Asiya İnkişaf Bankının nümayəndəsi ilə ilk görüş keçirilmiş, ərtaflı müzakirələr aparılmışdır. Qeyd edilən istiqamətdə işlərin aparılması davam etməkdədir. Bununla bağlı Asiya İnkişaf Bankı ilə növbəti görüş baş tutmuşdur.

KOBİA ilə görüş

Azərbaycan Respublikasının Mərkəzi Bankı tərəfindən kapital bazarı sahəsində şəffaflığın artırılması, emitentlərlə və minoritar səhmdarlar ilə görüşlərin təşkil edilməsi və vətəndaş məmnunluğunun daha da genişləndirilməsi üçün əlavə maarifləndirmə tədbirlərinin birgə həyata keçirilməsi məqsədi ilə 2022-ci ilin 02 mart tarixində Azərbaycan Respublikasının Kiçik və Orta Biznesin İnkişafı Agentliyi ilə görüş keçirilmişdir.

Görüş zamanı Mərkəzi Bank tərəfindən səhmdar cəmiyyətləri ilə müvafiq tədbirlərin keçirilməsinin vacibliyi müzakirə edilərək investorun hüquqlarının qorunması və qanunvericilikdə emitent tərəfindən nəzərdə tutulmuş illik hesabatların təqdim edilməsi ilə bağlı Mərkəzi Bankla səhmdar cəmiyyətləri arasında məlumat mübadiləsinin aparıldığı diqqətə çatdırılmış və bu istiqamətdə birgə tədbirlərin həyata keçirilməsi müzakirə edilmişdir.

Şəmkir rayonunda fəaliyyət göstərən səhmdar cəmiyyətləri ilə onlayn görüş

Belə tədbirlərdən biri kimi Şəmkir Rayon İcra Hakimiyyətinin dəstəyi ilə 05 aprel 2022-ci il tarixində Şəmkir rayonunda fəaliyyət göstərən bir neçə səhmdar cəmiyyətləri ilə onlayn qaydada görüşün keçirilməsini qeyd etmək olar.
Təşkil olunan görüşdə tərəfimizdən iştirak edən səhmdar cəmiyyətlərində korporativ idarəetmənin təkmilləşdirilməsi, emitentlərin illik hesabatlarının qanunvericilikdə nəzərdə tutulmuş qaydada tərtib edilməsi, səhmdarların ümumi yığıncaqlarının çağırılması və cəmiyyətlərin fəaliyyətinin qanunvericiliyə uyğun həyata keçirilməsi istiqamətində maarifləndirmə işləri aparılmışdır.

Qanunun və sərəncamın tələblərini nəzərə alaraq Mərkəzi Bank tərəfindən səhmdarların hüquqlarının qorunması məqsədi ilə müxtəlif tədbirlər keçirilməkdədir.

2021

“Whatsapp” xidməti vasitəsi ilə vətəndaşların qəbulu

QR-code vasitəsilə elektron müraciət etmək imkanı yaradılmışdır

Mərkəzi Bankın Bülbül prospekti 27 ünvanında yerləşən inzibati binasında mövcud olan “Qəbul otağı”na yaxınlaşan vətəndaşların “online” müraciət imkanının təmin edilməsi məqsədi ilə QR-code lövhəsi hazırlanmışdır. Mərkəzi Bankın qeyd olunan inzibati binasına yaxınlaşan vətəndaşlar üçün kağız daşıyıcı ilə yanaşı sözügedən QR-code vasitəsilə müraciətlərinin bağlı olduğu bank, sığorta və kapital bazarı sektorları üzrə online müraciət etmək imkanı yaradılmışdır.

“Skype” proqramı vasitəsi ilə vətəndaşların qəbulu

Koronavirus (COVİD-19) infeksiyasına qarşı mübarizənin təşkilinin təmin edilməsi məqsədilə Mərkəzi Bankın inzibati binalarında vətəndaşların yerində qəbulunun müvəqqəti təxirə salınması ilə əlaqədar olaraq vətəndaşların onlayn şəkildə qəbulunun həyata keçirilməsi məqsədi ilə “Skype” proqramı (https://join.skype.com/invite/f1f827Sg9hJV) istifadəyə verilmişdir.

Mərkəzi Bankın “Qaynar Xətti” barədə məlumat lövhələrinin yerləşdirilməsi

Azərbaycan Respublikasının Mərkəzi Bankına (Mərkəzi Bank) istehlakçılardan daxil olan müraciətlərin cavablandırılma imkanlarının genişləndirilməsi və operativliyinin artırılması məqsədilə Mərkəzi Bankın “966” qaynar xətti istifadəyə verilmişdir. Vətəndaşların maliyyə xidmətlərini istehlak edərkən qarşılaşdığı sualları ünvanlaması, həmçinin məlumat əldə etmək istədikləri məsələlər barəsində dərhal müraciət etmələrini təmin etmək üçün “966” qaynar xətti haqqında məlumatlılığın artırılması üçün müvafiq tədbirlər görülmüşdür. Bununla əlaqədar Mərkəzi Bank tərəfindən respublika ərazisində fəaliyyət göstərən bankların, bank olmayan kredit təşkilatlarının və sığortaçıların fəaliyyət göstərdiyi binalarda (filial, şöbə) “966” qaynar xətti barəsində vətəndaşların görə biləcəyi yerlərdə məlumat lövhəsinin yerləşdirilməsi barədə həmin nəzarət subyektlərinə göstəriş verilmiş və göstərişə müvafiq olaraq qeyd olunan məlumat lövhələrinin yerləşdirilməsi təmin edilmişdir.

Qəbul zamanı növbəliyin təmin edilməsi

Mərkəzi Bankın Bülbül prospekti 27 ünvanında yerləşən inzibati binasında mövcud olan “Qəbul otağı”na əvvəlcədən qəbula yazılmadan yaxınlaşan vətəndaşların qəbulu zamanı növbəliliyin təmin edilməsi məqsədi ilə növbələrin elektron idarə edilməsi sistemi istifadəyə verilmişdir. Beləliklə Mərkəzi Bankın qeyd olunan inzibati binasına yaxınlaşan vətəndaşlar sözügedən sistem vasitəsilə müraciətlərinin bağlı olduğu bank, sığorta və kapital bazarı sektorları üzrə sıra nömrəsi almaqla qəbul üçün növbə əldə edə bilərlər.

Beynəlxalq təcrübənin öyrənilməsi

Maliyyə xidmətləri istehlakçılarının hüquqlarının müdafiəsi sahəsində beynəlxalq təcrübənin öyrənilməsi məqsədi ilə Mərkəzi Bankın əməkdaşları Fransa Mərkəzi Bankı və Almaniya Federal Bankının təşkil etdiyi istehlakçı hüquqlarının müdafiəsi üzrə onlayn seminarlarda iştirak etmişlər. Seminarlarda iştirak edən ölkələrin nümayəndələri tərəfindən bu sahədə öz təcrübələrini paylaşmış, istehlakçı hüquqlarının müdafiəsinin mövcud mexanizmləri, həmçinin əhali arasında maliyyə savadlılığının artırılması üçün görülən tədbirlər barədə məlumat verilmişdir.

“Whatsapp” xidməti

Dövlət orqanlarından və ya birbaşa olaraq Mərkəzi Banka ünvanlanmış müraciətlər ilə bağlı hər hansı səbəbdən cavab məktubları əldə edilmədikdə və Mərkəzi Bankın nəzarət subyektləri ilə əlaqə saxlanılmasında çətinlik yarandıqda vətəndaşların qeyd olunan problemlərinin həlli məqsədilə whatsapp xidməti istifadəyə verilmişdir.

Öncədən qəbula yazılmadan videoqəbul

Koronavirus (COVİD-19) infeksiyasına qarşı mübarizənin təşkilinin təmin edilməsi məqsədilə Mərkəzi Bankın inzibati binalarında vətəndaşların yerində qəbulunun müvəqqəti təxirə salınması ilə əlaqədar olaraq vətəndaşların onlayn şəkildə qəbulu istiqamətində əlavə işlər görülmüşdür. Belə ki, vətəndaşlara Mərkəzi Bankın rəsmi internet saytında İstehlakçıların hüquqları bölməsinə daxil olmaqla öncədən qəbula yazılmadan rəsmi iş günlərində saat 10:00-dan 11:00-dək Skype və ya Whatsapp proqramı vasitəsilə videoqəbulda iştirak etmək imkanı yaradılmışdır. Videoqəbulla bağlı nəzərdə tutulmuş saatlarda hər hansı səbəbdən əlaqə saxlaya bilməyən vətəndaşların Mərkəzi Bankın “966” qaynar xəttinə zəng etməklə, onlayn və ya yazılı şəkildə rəsmi müraciət ünvanlamaqla və ya 055 966 1 966 “Whatsapp” nömrəsinə mesaj yazmaqla videoqəbula yazılması mümkündür.

Əks-əlaqə sistemi

Azərbaycan Respublikasının Mərkəzi Bankında (Mərkəzi Bank) “966” qaynar xəttinin istifadəyə verilməsi ilə əlaqədar istehlakçıların maliyyə xidmətləri sahəsində qarşılaşdığı suallar və problemlər barəsində məlumat əldə etməsi, həmçinin sorğu və şikayətlərinin bildirməsi üçün əlçatanlığın təmin edilməsi məqsədi ilə atılan addımlar nəticəsində zənglərin çoxalması səbəbindən bəzi vətəndaşlar zəng etdiyi zaman xətlərin məşğul olması ehtimalı artır. Bununla əlaqədar gələcəkdə yarana biləcək narazılıqların qarşısının alınması məqsədi ilə əks-əlaqə sistemi istifadəyə verilmişdir. Qeyd olunan sistem Mərkəzi Bankın qaynar xətt nömrələri ilə hər hansı səbəbə görə əlaqənin yaradılmasında çətinlik yarandıqda Mərkəzi Bankın whatsapp xidmətinə keçid etməklə geri əlaqə yaradılması üçün müraciət etmək imkanı yaradır. Müraciət edildikdən qısa müddət ərzində müraciət müəllifi ilə əlaqə yaradılır.

İstehlakçı hüquqlarının müdafiəsi istiqamətində görülən işlər barədə məlumatlandırma

Mərkəzi Bankda maliyyə xidmətləri istehlakçılarının müraciətlərinə baxılması qaydası, onların hüquqlarının müdafiəsi ilə bağlı görülən tədbirlər barəsində vətəndaşların məlumatlandırılmasının təmin edilməsi məqsədi ilə Mərkəzi Bankın rəsmi saytında istehlakçı hüquqlarının müdafiəsi ilə əlaqədar bölmənin genişləndirilməsi istiqamətində tədbirlər görülmüşdür. Belə ki, Mərkəzi Bankın maliyyə xidmətləri istehlakçılarının hüquqlarının müdafiəsi ilə bağlı qanunvericilikdə nəzərdə tutulmuş səlahiyyət və funksiyaları, həmçinin bu istiqamətdə şöbənin rolu və fəaliyyəti ilə bağlı məlumatların yerləşdirilməsi, şəffaflığının göstəricisi olaraq istehlakçı və investorlardan daxil olan müraciətlərin araşdırılmasına dair statistik məlumatların açıqlanması, müvafiq qanunvericilik aktlarına dair bölmənin yaradılması, qaynar xəttə daxil olan şifahi müraciətlər, həmçinin vətəndaşlar tərəfindən ünvanlanan yazılı müraciətlərdə tez-tez səsləndirilən və ya qeyd olunan suallar və həmin suallara cavabların və “966” qaynar xəttin fəaliyyəti ilə bağlı məlumatların yerləşdirilməsi təmin edilmişdir.

Maarifləndirici tədbirlər

Mərkəzi Banka daxil olan istehlakçı müraciətlərinin araşdırılması zamanı vətəndaşların maarifləndirilməsinə ehtiyac duyulan məsələlər təhlil edilərək bu barədə əhalinin məlumatlılığının artırılması istiqamətində müvafiq tədbirlər görülməkdədir. Bununla bağlı Mərkəzi Bankın maliyyə xidmətləri istehlakçılarının hüquqlarının müdafiəsi ilə məşğul olan əməkdaşları müxtəlif təlimlərin keçirilməsinə cəlb edilmiş, həmçinin müxtəlif mövzular barəsində maarifləndirici video-materiallar hazırlanaraq ictimaiyyətə təqdim edilmişdir.

Mərkəzi Bankın “Qaynar Xətti” barədə məlumatın müqavilələrdə əks olunması

Maliyyə xidmətləri istehlakçılarının həmin xidmətləri istehlak edərkən qarşılaşdığı çətinliklər və suallarla əlaqədar müraciətlərinin Mərkəzi Banka vaxtında bildirilməsi və bu müraciətlərin sürətli araşdırılaraq cavablandırılmasının təmin edilməsi məqsədilə görülən tədbirlərin davamı olaraq banklar, sığortaçılar və bank olmayan kredit təşkilatları ilə müştərilər arasında rəsmiləşdirilən sığorta, kredit, əmanət və digər müqavilələrdə “966” qaynar xətti barəsində məlumat yerləşdirilməsi tələbi ilə həmin nəzarət subyektlərinə göstəriş ünvanlanmış və daha sonra müqavilələrin monitorinqi aparılmışdır. Bununla da həmin müqavilələrdə sözügedən məlumatın yerləşdirilməsi təmin olunmuşdur.

Elektron müraciətin təşviqi ilə bağlı video-materiallar

Maliyyə xidmətləri istehlakçılarının onlara göstərilən bu xidmətlər zamanı yaranan sual, şikayət və təklilərini Mərkəzi Banka ünvanlama üsullarından biri də elektron qaydada müraciətdir. Bununla əlaqədar Mərkəzi Banka elektron müraciət qaydasının vətəndaşlara izah edilməsi məqsədilə Azərbaycan, rus və ingilis dillərində video-material hazırlanaraq yayımlanmışdır.

Ünvana çatdırılması mümkün olmayan məktubların təqdim edilməsi

Mərkəzi Banka daxil olan vətəndaş müraciətlərinə hazırlanan cavab məktublarının bəzi hallarda müxtəlif səbəblərdən həmin müraciətlərdə qeyd olunan ünvanlara çatdırılması mümkün olmadığından geri qayıdır. Bununla əlaqədar geri qayıdan məktublaın vətəndaşlara təqdim edilməsinin təmin edilməsi məqsədi ilə onlarla əlaqə saxlanılmaqla faktiki ünvanları barədə məlumat əldə edilərək məktubların həmin ünvanlara çatdırılması təmin edilir.

Milli Depozit Mərkəzinin nümayəndələri ilə görüş

Mərkəzi Bankın investorların müraciətlərlərinin araşdırılması üzrə struktur bölməsinin əsas məqsədi maliyyə xidmətləri sahəsində istehlakçıların və investorların hüquqlarının pozulmasının qarşısının alınması və pozulmuş hüquqların bərpasının təmin edilməsidir. Bununla əlaqədar olaraq minoritar səhmdarların hüquqlarının müdafiəsini təmin etmək, habelə səhmdar cəmiyyətlərinin fəaliyyətinə daha effektiv nəzarəti təşkil etmək və onların məlumatlandırılması məqsədilə 08 yanvar 2021-ci il tarixində müvafiq departamentlərin əməkdaşlarının iştirakı ilə Milli Depozit Mərkəzinin (MDM) rəhbər şəxsləri ilə birlikdə onlayn görüş həyata keçirilmişdir.

Saytda “Təkliflər” bölməsinin yaradılması

Azərbaycan Respublikası Mərkəzi Bankının (Mərkəzi Bank) maliyyə xidmətləri istehlakçılarının və investorların hüquqlarının müdafiəsi üzrə səlahiyyətlərinə aid məsələlərə dair təkliflərin yerləşdirilməsi üçün “təkliflər” bölməsi yaradılmışdır.

Mərkəzi Bankın nəzarət subyektləri tərəfindən hüquqpozmalara yol verildiyi hallarda, habelə Mərkəzi Bankın səlahiyyətlərinə aid olan digər məsələlərlə bağlı maliyyə xidmətləri istehlakçıları və investorlar hər hansı sual, ərizə və şikayətləri olduğu təqdirdə Mərkəzi Bankın rəsmi saytında yerləşdirilmiş İstehlakçıların və investorların hüquqları bölməsinə daxil olaraq müvafiq başlıqlara keçid etməklə müraciətlərini ünvanlaya bilərlər.

Asiya İnkişaf Bankı ilə görüş

Maliyyə xidmətləri istehlakçılarının hüquqlarının müdafiəsi sektorunda mövcud vəziyyətin qiymətləndirilməsi, maliyyə xidmətləri istehlakçılarının hüquqlarının müdafiəsi ilə bağlı qanunvericilik və bu sektorun inkişafına dəstək olmaq üçün beynəlxalq təcrübələrdən istifadə edilməsi məsələlərinin müzakirə olunması məqsədilə 23 iyul 2021-ci il tarixində Asiya İnkişaf Bankının nümayəndəsi ilə görüş keçirilmişdir.

Şəmkir İcra Hakimiyyəti ilə görüş

01.02.2021-ci il tarixindən etibarən 3 gün ərzində II Qarabağ müharibəsi qaziləri və şəhid ailələləri ilə görüşlər keçirilmiş, problemlər müzakirə olunmuş, güzəşt imkanlarının araşdırılması üçün banklara müraciət olunmuş, bəzi müraciətlər isə YAŞAT Fonduna yönləndirilmişdir.

BaFin ilə görüş

Mərkəzi Bankla Almaniyanın maliyyə sahəsində tənzimləyici orqanı olan Federal Financial Supervisory Authority (BaFin) arasında görüş keçirilmişdir. Görüş zamanı&BaFin tərəfindən istehlakçıların hüquqlarının müdafiəsi mexanizminin hansı formada tənzimlənməsi və bu istiqamətdə görülmüş işlər barədə&ümumi məlumat verilmişdir. Həmçinin&Mərkəzi Bankda maliyyə xidmətləri istehlakçılarının hüquqlarının müdafiəsi sahəsində görülmüş işlər, eyni zamanda yazılı vətəndaş müraciətlərinin cavablandırılması, vətəndaş qəbulunun və qaynar xətt vasitəsi ilə daxil olmuş şifahi müraciətlərin cavablandırılmasının hansı formada həyata keçirilməsi və telefonçu operatorların işləri barədə məlumat verilməklə yanaşı ümumi müzakirə aparılmışdır.