• Su nişanı – pul nişanını işığa tutduqda Azərbaycan Respublikasının Dövlət Gerbi və nominalın rəqəmi təsvir olunmuş su nişanı görünür.
• Spark Live – dinamik işıq effekti saçan və qızılıdan yaşıla dəyişən məktəblilərin təsviri əks olunmuşdur. Pul nişanını çevirdikdə elementin üzərində olan halqalar hərəkət effekti yaradır.
• Sayrışan rəngli boyalar – “50” rəqəmi və “AZN” yazısı göy və qızılı rənglərdən ibarət sayrışan boyalarla əks etdirilmişdir.
• RollingStar mühafizə sapı – metal görünüşə malik olan mühafizə sapının üzərində “50” rəqəmi və “AMB” yazısı əks olunmuşdur. Pul nişanını hərəkət etdirməklə dinamik işıq effekti və qızılıdan yaşıla rəng dəyişmə görünür.
• RollingStar Lead (Hologram) – holoqram üzərində 3D hərəkət effektli tələbə, təhsili və gələcəyi simvolizə edən pillələr və təhsil müəssisəsinin giriş qapısı əks olunur. Elementin yuxarı hissəsində manat simvolunun nominalın rəqəminə dəyişməsi əks olunur. Pulu çevirdikdə elementin qızılıdan yaşıla rəng dəyişməsini görmək olar.
• Qabarıq çap – pul nişanının müəyyən sahələrində barmaqla hiss olunan qabarıq çap elementləri mövcuddur.
• Görmə qüsuru olanlar üçün tanıma elementi – pulun ön tərəfində sağ və sol kənarlarda görmə qüsuru olanlar üçün nominalı müəyyən etməyə imkan verən xətlər yerləşir.
• Surətçıxarmaya qarşı xətlər strukturu – moar effekti yaradan xətlər strukturu.
• Mikromətn – böyüdücü şüşə ilə baxdıqda “Azərbaycan Respublikası” sözləri və digər mətnlər oxunur.
• Rənglərin bölgüsü – bir element daxilində rənglərin bir-birinə keçidini müşahidə etmək mümkündür.
• Mürəkkəbsiz çap – pulun üzərində mürəkkəbsiz çap edilmiş iri “AMB” yazısı mövcuddur və toxunulan zaman hiss olunur.
• Seriya nömrəsi – banknotun arxa tərəfində biri üfüqi, digəri isə şaquli olan iki ədəd seriya nömrəsi yerləşir. Hər bir banknotun seriya nömrəsi təkrarlanmayandır.
• Gizli təsvir - pul nişanını çevirərək kitab təsvirini görmək mümkündür.
• Təhlükəsizlik lifləri – pulun səthi boyunca ultrabənövşəyi işıq altında görünən müxtəlif rəngli liflər yerləşir.
• Ultrabənövşəyi (UB) işıqda görünən elementlər – pul nişanının ön və arxa tərəflərində pulun həqiqiliyinin müəyyən edilməsi üçün nəzərdə tutulmuş və ultrabənövşəyi işıq altında görünən elementlər mövcuddur.

Broşur