AniPay portal

Ani Ödənişlər Sistemi üzrə yaradılmış “AniPay” portalı, mobil tətbiq və veb sayt formasında vətandaşların istifadəsinə verilmişdir.

Bütün bank hesablarının bir nöqtədən idarə olunduğu bu portal vasitəsi ilə istifadəçilər qeydiyyatdan keçə, hesablararası köçürmə edə, kommunal və büdcə təşkilatları xeyrinə ödəmələrini, eləcə də QR ödənişlərini icra edə bilərlər.

Bununla yanaşı tətbiqdən istifadə, qarşı tərəfdən vəsait sorğulanması, yanlış göndərilmiş vəsaitin geri qaytarılması kimi unikal imkanlar yaradır.

Ödənişlər real rejimdə birbaşa bank hesabları üzərindən icra olunur və dərhal hesablara işlənilir.

Sistem 24/7/365 rejimində fəaliyyət göstərir. Bank əməliyyatlarının icrası iş günləri, iş saatları ilə məhdudlaşmır.

AniPay üzrə köçürmə və ödənişlər

“AniPay” mobil tətbiqi vasitəsi ilə təsərrüfat subyektləri və ictimai iaşə müəssisələrində mal və xidmətlərin dəyərinin “QR kod” vasitəsilə rahat və təhlükəsiz formada ödənilməsi mümkündür.

Təsərrüfat subyektinin müştəriyə ödəmə vasitəsi olaraq təklif etdiyi statik formada xüsusi lövhədə və ya dinamik olaraq terminal ekranında göstərilən QR kodun müştəri mobil tətbiqi vasitəsi ilə oxudulması ilə ödəniş baş tutur.

Qeyd etmək lazımdır ki, “QR kod” pandemiya şəraitində ödənişlərin fiziki təmas olmadan həyata keçirilməsi üçün effektivdir.

Rahatlığı ilə seçilən bu ödəmə vasitəsinə maraq olduqca yüksəkdir və bu sayədə mal və xidmətlərin dəyərinin ödənilməsində mobil ödəmələrin payının xüsusi ilə artacağını proqnozlaşdırırıq.

AniPay üzrə üstünlüklər

AniPay üzrə funksional imkanlar