“Qiymətli kağızlar bazarı haqqında” Qanunun (bundan sonra – Qanun) 30.3-cü və 30.4-cü maddələri ilə müəyyən edilmiş investisiya xidmətləri Azərbaycan Respublikasında fəaliyyət göstərən banklar və xarici bankların yerli filialları tərəfindən Qanunun 8-1-ci fəsli ilə müəyyən edilmiş qaydada lisenziya alınmaqla Mərkəzi Bank tərəfindən müəyyən edilən həcmdə və qaydada həyata keçirilir.

“İnvestisiya şirkətləri və banklar tərəfindən investisiya xidmətlərinin (əməliyyatlarının) həyata keçirilməsi Qaydası”-nın 1.3-cü bəndinə əsasən banklar tərəfindən “Banklar haqqında” Azərbaycan Respublikası Qanununun tələbləri gözlənilməklə yalnız Azərbaycan Respublikasının ərazisində ticarətə buraxılmış qiymətli kağızlar və ya törəmə maliyyə alətləri ilə Qanunun 30.3.1-ci və 30.4.1-ci maddələrində, habelə Azərbaycan Respublikası Mərkəzi Bankının buraxdığı qiymətli kağızlar və törəmə maliyyə alətləri ilə Qanunun 30.3.6-cı maddəsində göstərilən investisiya xidmətləri (əməliyyatları) həyata keçirilir. Banklar tərəfindən Qanunun 30.4.1-ci maddəsi ilə müəyyən edilən investisiya xidməti yalnız Qanunun 30.3.1-ci maddəsi ilə müəyyən edilən investisiya xidməti çərçivəsində həyata keçirilir.

Banklar tərəfindən həyata keçirilən əsas və yardımçı investisiya xidmətləri (əməliyyatları) aşağıdakılardır.

Əsas investisiya xidmətləri (əməliyyatları):

• Azərbaycan Respublikasının ərazisində ticarətə buraxılmış qiymətli kağızlar və ya törəmə maliyyə alətləri ilə aparılan əməliyyatlarla bağlı müştəri sifarişlərinin qəbul və icra edilməsi;
• Azərbaycan Respublikası Mərkəzi Bankının buraxdığı qiymətli kağızlar və törəmə maliyyə alətləri ilə mərkəzi depozitarın və fond birjasının üzvü qismində öz hesabına qiymətli kağızlar və ya törəmə maliyyə alətləri ilə əməliyyatlar aparılması.

Yardımçı investisiya xidmətləri (əməliyyatları):

• Azərbaycan Respublikasının ərazisində ticarətə buraxılmış qiymətli kağızların hesabının idarə edilməsi, o cümlədən qiymətli kağızların və törəmə maliyyə alətlərinin öhdəliklərlə yüklənməsi ilə bağlı əməliyyatların həyata keçirilməsi, mərkəzi depozitarın üzvü qismində müştərinin qiymətli kağızlarının saxlanması.

#asset-1

ASC Xalq Bankı

Lisenziya nömrəsi	İXB-01
Lisenziya verilmə tarixi	07.05.2025
Hüquqi ünvan	Bakı, şəhəri, Yasamal rayonu, İnşaatçılar prospekti, 22 L
Faktiki ünvan	Bakı, şəhəri, Yasamal rayonu, İnşaatçılar prospekti, 22 L
Əlaqə məlumatları	(+99412) 404 43 43 www.xalqbank.az
İnvestisiya xidmətlərini (əməliyyatlarını) həyata keçirən struktur bölmənin rəhbəri	Quliyev Aydın Adil oğlu

Ətraflı

117.84 KB