Tədqiqatın adı: İdxal çəkiləri nəzərə alınmaqla hesablanmış qlobal ərzaq qiymətlərinin proqnozlaşdırılması

Nömrə: 03/2024

Müəlliflər: Fəridə Vəliyeva

Dil: Azərbaycan dili

Tarix: 2024

Xülasə: Məqalə ərzaq məhsullarının Azərbaycanın idxal səbətindəki çəkiləri nəzərə alınmaqla modifikasiya olunmuş qlobal ərzaq qiymətləri indeksinin proqnozlaşdırılmasına həsr edilmişdir. Qiymətləndirmə 2002-2024-cü illər üzrə rüblük zaman sırası məlumatlarından istifadə etməklə avtoreqressiv paylanmış gecikmə (ARDL) modelinin tətbiqi ilə aparılmışdır. Nəticələr göstərir ki, modifikasiya olunmuş qlobal ərzaq qiymətləri indeksi yerli ərzaq inflyasiyasını daha yaxşı izah edir. Qeyd edək ki, iki indeks arasında korrelyasiya əmsalı digər beynəlxalq qurumlar tərəfindən açıqlanan indeksə (BVF, FAO, DB) nəzərən daha yüksəkdir (0.48). Beləliklə, bu indeksin proqnozlaşdırılması qlobal ərzaq bazarında baş verən tendensiyaların Azərbaycana ola biləcək mümkün təsirlərini daha dəqiq qiymətləndirməyə imkan yaradır.

Açar sözlər: qlobal ərzaq qiymətləri, ərzaq inflyasiyası, inflyasiya, ARDL

JEL təsnifatı: E31, E37, Q11

İdxal çəkiləri nəzərə alınmaqla hesablanmış qlobal ərzaq qiymətlərinin proqnozlaşdırılması

622.40 KB