Pul nişanlarının dəyişdirilməsi

Zədələnmiş pul nişanlarının dəyişdirilməsi qaydası

“Azərbaycan Respublikasının Mərkəzi Bankı haqqında” Azərbaycan Respublikasının Qanununa əsasən Mərkəzi Bank tədavülə yararlı pul nişanlarını məhdudiyyətsiz dəyişdirir.

Bütöv bir hissədən və ya eyni kağız pul nişanına məxsus ardıcıl hissələrdən ibarət, səthinin 60 faizindən az olmayan hissəsini və üzərindəki iki seriya nömrələrindən ən azı birini tam saxlamış pul nişanının nominal dəyəri Mərkəzi Bank tərəfindən ödənilir.

Nümunə üçün şəkil

#asset-1

Eyni kağız pul nişanına məxsus ardıcıl olmayan hissələrdən ibarət, səthinin 60 faizindən az olmayan hissəsini və üzərindəki hər iki seriya nömrəsini tam saxlamış pul nişanının nominal dəyəri Mərkəzi Bank tərəfindən ödənilir.

Nümunə üçün şəkil

#asset-2

Bütöv səthinin üzərindəki təsvir və yazıları onun nominalını müəyyənləşdirməyə imkan verən həcmdə saxlamış və deformasiyaya məruz qalmamış metal pul nişanının nominal dəyəri Mərkəzi Bank tərəfindən ödənilir.

Nümunə üçün şəkil

#asset-3

Hesablama metodu

Kağız pul nişanının nominal dəyərinin ödənilməsinin müəyyən edilməsi məqsədilə hər bir nominalın ölçüsünə uyğun olaraq bərabər ölçülü 200 damalı cədvəldən istifadə olunur. Cədvəl vasitəsilə kağız pul nişanının saxlanılan hissələrinin sahəsi aşağıdakı kimi müəyyən edilir:

eyni pul nişanına məxsus hissələr damalı cədvəlin üzərinə qoyulur, perimetr boyu uyğunlaşdırılır və qələmlə pulun itirilmiş kənarı boyunca xətt çəkilir;
çəkilmiş xəttin daxilində qalan tam damalar sayılır, xətlə kəsilmiş damaların hər biri yarım dama hesab olunur və tam damaların sayı ilə toplanılır;
Saxlanılan hissələrin damalarının sayı 120-yə bərabər olduqda pul nişanının səthinin 60%-i saxlamış hesab olunur.

Qeyd: Banklar aşkar etdiyi həqiqiliyi şübhə doğuran və ya bir neçə hissədən ibarət səthinin ən az 60%-ni və üzərindəki iki seriya nömrələrindən ən azı birini tam saxlamış, lakin hissələrin eyni əskinasa məxsus olduğu müəyyənləşdirə bilinməyən milli pul nişanlarını üç iş günündən gec olmayaraq Mərkəzi Banka və ya onun qurumlarına ərizə ilə təqdim edirlər.

Pul nişanlarının dəyişdirmə məntəqələri

Ölkə üzrə:

Mərkəzi Bank tərəfindən təyin edilmiş operator banklar və onların filialları – “ABB” ASC və “Kapital Bank” ASC.

Ölkə ərazisində fəaliyyət göstərən digər kommersiya bankları və onların filialları.

İş saatı: I, II, III, IV, V günlər: saat 10:00-16:00

Mərkəzi Bankın ərazi idarələri üzrə: