966
1. Azərbaycan Respublikasının Mərkəzi Bankı “Dövlət satınalmaları haqqında” Azərbaycan Respublikasının Qanununa uyğun olaraq aşağıda qeyd olunan tender predmetləri üzrə açıq tender üsulu ilə elektron satınalma keçirir:
Lot 1: Azərbaycan Respublikasının Mərkəzi Bankında nağd pul və qiymətlilərin daşınması üçün müasir tələblərə cavab verən inkassasiya avtomobillərinin satın alınması;
Lot 2: Azərbaycan Respublikası Mərkəzi Bankının xəzinə infrastrukturunun fəaliyyətinin təmin edilməsi üçün stolüstü pul emal edən, pul sayan, pul dəstləyən, eləcə də pulun həqiqiliyini yoxlayan (detektor) avadanlıqların satın alınması;
Lot 3: Azərbaycan Respublikası Mərkəzi Bankının xəzinə saxlancının fəaliyyətinin təmin edilməsi üçün çəngəlağız yükqaldıranın satın alınması.
2. Tender proseduru 17 may 2022-ci il tarixində saat 15:00-da dövlət satınalmalarının vahid internet portalında (https://etender.gov.az/) (bundan sonra – Portal) keçiriləcəkdir.
3. Tenderdə yalnız “Dövlət satınalmaları haqqında” Azərbaycan Respublikası Qanununa uyğun olaraq elektron satınalmalarda iştirakına yol verilən sahibkarlıq subyektləri iştirak edə bilərlər.
4. Maraqlı şəxslər tenderdə iştirak etmək üçün Azərbaycan Respublikası Nazirlər Kabinetinin 2021-ci il 20 dekabr tarixli 396 nömrəli Qərarı ilə təsdiq edilmiş “Açıq tender və ya kotirovka sorğusu üsulunu tətbiq etməklə elektron satınalma vasitəsilə keçirilən satınalmalarda iştirak haqqının məbləği, ödənilməsi və ondan istifadə Qaydası”na müvafiq olaraq müəyyən edilmiş aşağıdakı məbləğlərdə iştirak haqqlarını Portal vasitəsilə ödəməklə Əsas şərtlər toplusunu əldə edə bilərlər:
Lot 1: 450 (dörd yüz əlli) manat;
Lot 2: 350 (üç yüz əlli) manat;
Lot 3: 100 (yüz) manat.
İştirak haqqı heç bir halda geri qaytarılmır.
5. Tenderdə iştirak etmək üçün iddiaçılar Portal vasitəsilə aşağıdakı sənədləri təqdim etməlidirlər:
- iddiaçının tam adı, nizamnaməsi, dövlət qeydiyyatı haqqında şəhadətnamə və ya hüquqi şəxslərin dövlət reyestrindən çıxarış, bank rekvizitləri;
- tender təklifini və satınalma müqaviləsini imzalamaq səlahiyyətinə malik olan şəxsin səlahiyyətlərini təsdiq edən sənəd;
- iddiaçının sahibkarlıq subyektlərinin hansı bölgü kateqoriyasına aid olmasına dair məlumat;
- iddiaçının son 1 (bir) ildəki maliyyə vəziyyəti barədə bank arayışı;
- Azərbaycan Respublikasında vergilərə və digər icbari ödənişlərə dair yerinə yetirilməsi vaxtı keçmiş öhdəliklərin, habelə son 1 (bir) il ərzində (fəaliyyətini dayandırdığı müddət nəzərə alınmadan) Azərbaycan Respublikasının Vergi Məcəlləsi ilə müəyyən edilmiş vəzifələrin yerinə yetirilməməsi hallarının mövcud olmaması haqqında müvafıq dövlət orqanından arayış;
- Azərbaycan dilində tender təklifi (tender təklifi 01 iyul 2022-ci il tarixinədək qüvvədə olmalıdır);
- tender təklifinin qiymətinin 1 (bir) % məbləğində bank təminatı (tenderin Əsas şərtlər toplusuna əlavə edilən bank qarantiyası formasında);
- iddiaçının ən azı 2 (iki) illik iş təcrübəsini əks etdirən məlumatlar (korporativ müştərilərin adı, ünvanı, əlaqə telefonu);
- satınalma prosedurunun başlanmasından əvvəlki 5 (beş) il ərzində iddiaçının özünün, habelə işlərini idarə edənlərin, qulluqçularının peşəkar fəaliyyətləri, yaxud satınalma müqaviləsinin bağlanması üçün ixtisas göstəricilərini yanlış göstərmələri ilə əlaqədar cinayətə görə məhkum olunmaması, yaxud onların müvafiq peşə fəaliyyətləri ilə məşğul olmasının məhkəmə qaydasında qadağan edilməməsi barədə məlumat;
- iddiaçının müflis elan olunmaması, əmlakı üzərində həbs qoyulmaması, ödənişə yönəlmiş girovun olmaması, məhkəmənin qərarı ilə kommersiya fəaliyyətinin dayandırılmaması barədə məlumat.
6. İddiaçılar tender təklifini və tender təklifinin bank təminatını 16 may 2022-ci il saat 18:00-a qədər, digər tələb olunan sənədləri isə ən geci 05 may 2022-ci il saat 15:00-a qədər Portal vasitəsilə təqdim edə bilərlər.
7. Satınalmaya başlanma vaxtı: satınalma müqaviləsi imzalandığı gündən.
8. Malların təqdim edilməsi müddəti:
Lot 1: satınalma müqaviləsi imzalandığı gündən etibarən 270 (iki yüz yetmiş) təqvim günü müddətində;
Lot 2: satınalma müqaviləsi imzalandığı gündən etibarən 120 (yüz iyirmi) təqvim günü müddətində;
Lot 3: satınalma müqaviləsi imzalandığı gündən etibarən 120 (yüz iyirmi) təqvim günü müddətində.
9. Qiymətləndirmə meyarları:
Lot 1: qiymət və texniki amillər (keyfiyyət amili (funksional yararlılıq), zəmanət və zəmanət müddətində texniki qulluq şərtləri, avtomobillərin təqdim edilməsi müddəti).
Lot 2 və Lot 3: qiymət və keyfiyyət amili (funksional yararlılıq).
10. İddiaçılar tərəfindən tenderlə bağlı bütün sorğular və onlara dair izahatlar yalnız Portal vasitəsilə verilir.
Tender prosedurunun hər bir iştirakçısı onun təklifinin açılmasını və qiymətləndirilməsini Portal vasitəsilə müşahidə edə bilər.
Tender komissiyası
13.04.2022